Мажбурий ижро бюроси Тошкент вилояти Бўстонлиқ туманида жойлашган турар жой биносини аукционга қўйди, деб хабар беради Spot.
Лот изоҳида ёзилишича, 1998 йилда қурилган икки қаватли бино 35 та хонадан иборат. Уй жойлашган майдоннинг умумий катталиги 0,68 гектарни ташкил этади. Бинонинг ўзи 849,25 квадрат метр жойни эгаллаган. Фойдали майдон — 513,5 квадрат метр.
Мазкур дала ҳовли вилоят Иқтисодиёт судининг 2020 йил 14 июндаги қарорига кўра сотувга қўйилган. Хонадонда газ, электр, сув таъминоти ва канализация мавжуд.
Уйнинг бошланғич нархи — 7,7 миллиард сўм. Аризалар 24 августга қадар қабул қилинади, савдолар 26 август куни бўлиб ўтади.
Эслатиб ўтамиз, бундан аввал МИБ Тошкентдаги ярмаркада ярим миллиард сўмдан кўпроқ маҳсулотни сотувга қўйгани ҳамда Тошкентдаги 5 қаватли савдо марказини аукционга қўйгани тўғрисида хабар берилганди.
Изоҳ (0)