«Шу куни 158 нафар афғон фуқаролари ва қуролланган ҳарбий хизматчилари дарё орқали Термиз тумани ҳудудига Ўзбекистон чегарасидан қонунга хилоф равишда ўтган», — дейилади идора ахборотида.
Қўшимча қилишларича, ушбу ҳолат юзасидан Ўзбекистон бош прокурори Ниғматилла Йўлдошев томонидан Жиноят кодексининг 223-моддаси 2-қисми «б» банди (бир гуруҳ шахслар томонидан олдиндан тил бириктириб чегарадан ўтиш) аломатлари билан жиноят иши қўзғатилган, тергов ҳаракатлари олиб борилмоқда.
Аввалроқ Бош прокуратура 14—15 август кунлари Афғонистоннинг 22 та ҳарбий самолёти 24 та вертолёти Ўзбекистон ҳаво ҳудудидан чегарасидан ноқонуний ўтгани, уларнинг барчаси Термиз халқаро аэропортига қўндирилгани, ушбу учоқларнинг бортида жами 585 нафар афғонистонлик қуролланган ҳарбий хизматчи бўлгани ҳақида маълум қилган эди.
14 август куни Термиз—Ҳайратон кўпригининг Афғонистон қисмида тўпланган юзлаб афғонистонликлар орасидан, Ўзбекистон ТИВ маълумотларига кўра, «Афғонистон Қуролли Кучларининг ҳарбий хизматчиларидан иборат 84 кишилик гуруҳ» қабул қилинган эди. Улар орасида уч ярадор борлиги айтилганди.
Изоҳ (0)