Жиззах вилояти Ғаллаорол туманида Cobalt ва юк машинаси иштирокида ЙТҲ содир бўлди, дея хабар қилмоқда ЙҲХББ матбуот хизмати.
Дастлабки маълумотларга кўра, 2021 йил 16 август куни соат 17:00 ларда Жиззах вилояти, Ғаллаорол тумани ҳудудидан ўтган М-39 автомобиль йўлининг 1005-километрида ҳайдовчи, 1995 йилда туғилган Х.М. бошқарувидаги Cobalt русумли енгил автомобиль ҳамда ҳайдовчи, 1992 йилда туғилган О.Ж. бошқарувида бўлган «ЗИЛ» русумли юк автомобили иштирокида тўқнашув содир бўлган.
Оқибатда Cobalt русумли автомобиль йўловчиси У.Қ. оғир тан жароҳатлари олиб, воқеа жойида ҳалок бўлган. Шунингдек, йўловчи М.С. тан жароҳати билан шифохонага олиб кетилган.
Мазкур ЙТҲ юзасидан Ғаллаорол тумани ИИБ ҳузуридаги ТБ томонидан дастлабки терговолди суриштирув ҳаракатлари олиб борилмоқда.
Бундан аввал Тошкентда 7 та автомобиль иштирокида ЙТҲ содир бўлгани, Наманганда Damas ва Nexia тўқнашуви оқибатида ҳайдовчилардан бири вафот этгани ҳамда Жаҳонгир Хўжаевнинг Mustang’и аварияга учраган вақтда рулда бошқа одам бўлгани аниқлангани ҳақида хабар берилганди.
Изоҳ (0)