Bugun,

  • USD 11095.31
  • RUB 173.84
  • EUR 10772.44

Jons Hopkins universiteti ma’lumotlariga ko‘ra, dunyoda koronavirusga chalinganlar soni 204 751 023 kishiga yetdi, shularning 4 324 684 nafari vafot etgan. Shuningdek, dunyo bo‘yicha ayni paytgacha 4 533 997 544 doza vaksina qo‘llanilgan.

Kasallanganlar soni bo‘yicha doimgidek AQSh yetakchilik qilmoqda, yuqori beshlikdan Hindiston, Braziliya, Fransiya va Rossiya ham o‘rin olgan.

Foto: EPA

Foto: EPA

Jahon sog‘liqni saqlash tashkiloti (JSST) mamlakatlar o‘rtasida koronavirusga qarshi vaksinalar noteng taqsimlanayotgani bilan bog‘liq vaziyatdan norozi. Tashkilot bosh direktorining maslahatchisi Bryus Eylvord aytishicha, dunyo yetakchilari va farmatsevtika kompaniyalari rahbarlari “uyatli” vaksina tengsizligiga nuqta qo‘yish uchun choralar ko‘rishi kerak.

Dunyoda tengsizlik muammolarini hal qilishda asosiy rolni o‘ynashi ehtimoli mumkin bo‘lgan 20 kishi bor. Bular bu (vaksina) bilan shug‘ullanadigan yirik kompaniyalarni boshqaruvchi odamlar. Bular vaksinalar bo‘yicha shartnomalar tuzayotgan davlatlar rahbarlari, shuningdek, vaksinalarni ishlab chiqarayotgan mamlakatlar rahbarlaridir”, — dedi Eylvord.

“Bu 20 kishi ‘biz sentabr oxirigacha bu muammoni hal qilamiz, har bitta mamlakat aholisining 10 foizi emlanishini ta’minlaymiz’ deb aytishi biz uchun zarur”, — deya qo‘shib qo‘ydi u.

Shuningdek, Oxfam tengsizlikka qarshi kurash alyansi tadqiqotida aytilishicha, milliarderlar daromadlarining pandemiya davrida o‘sgan qismiga solingan bir martalik 99 foizli soliq butun dunyoni vaksinatsiya bilan va barcha ishsizlar uchun 20 ming dollar dotatsiya bilan ta’minlagan bo‘lardi.

JSST bosh direktori Tedros Gebreyesus ma’lum qilishicha, agar infeksiya tarqalishining hozirgi sur’atlarini to‘xtatib bo‘lmasa, butun dunyoda koronavirus bilan kasallanganlar soni kelasi yil boshiga kelib 300 million kishidan oshishi mumkin.

Gebreyesusning aniqlik kiritishicha, koronavirusga chalinganlarning haqiqiy soni JSST tomonidan qayd etilgan miqdordan ancha oshadi.

Agar odamlar infeksiya tarqalishiga qarshi birgalashib kurashsa, kelasi yilgacha 300 million kishilik marradan o‘tishgacha bormaslik mumkin, dedi JSST rahbari. Uning aytishicha, shifokorlarda endi COVID-19 oldini olish, test qilish va davolash uchun ko‘plab vositalar bor. Ammo uning so‘zlariga ko‘ra, mutaxassislar hamon kasallikning turli bosqichlaridagi bemorlar orasida ko‘proq tadqiqotlar olib borishi kerak.

JSST statistikasi Jons Hopkins universitetinikidan biroz farq qiladi, chunonchi ayni paytda kasallanganlar soni 203 944 144 nafar, o‘limlar soni esa 4 312 902 ta deb baholanmoqda (Jons Hopkins universiteti ma’lumotlari bo‘yicha 204 751 023 nafar va 4 324 684 ta).

Hozirgi paytda koronavirusning delta shtammi 142 ta mamlakatda uchraydi, bir hafta avval u 135 ta mamlakatda tarqalgan edi. Shuningdek, o‘tgan bir hafta ichida koronavirusga chalinganlar soni 4,2 millionga ko‘paydi, 65 ming kishi vafot etdi, deyiladi JSST ma’lumotlarida.

Avvalroq JSST delta shtamm dunyoda ustunlikka erishishi mumkinligini ma’lum qilgandi. Ammo ekspertlar ushbu variant nima sababdan ba’zi mamlakatlarda bor, ba’zilarida yo‘qligini aniq tushuntirib bera olmaydi. Iyulda ba’zi yirik mamlakatlarda koronavirus holatlarining to‘rtdan uch qismi delta shtammiga to‘g‘ri kelishi ma’lum bo‘lgandi.

Isroil hukumati COVID-19 tarqalishiga qarshi cheklovlarni kuchaytirishga qaror qildi.

Delta shtammiga chalinish bo‘yicha holatlar ko‘payishi sababli ommaviy tadbirlarni cheklash va raqamli vaksinatsiya pasportlarini joriy qilish kabi choralar ma’qullandi. Qoidalar faqat yirik savdo markazlari va do‘konlarga taalluqli bo‘lmaydi.

Bosh vazir Naftali Bennett butun mamlakat bo‘ylab kasalxonalarni kuchaytirish uchun 2,5 milliard shekel (774 million dollar) ajratdi.

Shuningdek, Isroilga “yashil standart” qaytariladi, u ommaviy tadbirlarga kirishda vaksinatsiya yoki COVID-19 dan sog‘ayganlik haqidagi sertifikatni yoki manfiy natijali testni majburiy taqdim etishni ko‘zda tutadi.

Izoh
Asosiy yangiliklar
Mahalliy
Shavkat Mirziyoyev Qoraqalpog‘iston va Farg‘ona vodiysida suv ta’minotini yaxshilashga oid taqdimot bilan tanishdi (foto)
Madaniyat
Tomoshabinlar mehriga sazovor bo‘lgan eng go‘zal turk aktrisalari (foto)
Mahalliy
Markaziy bank xorijiy valyutalarning so‘mga nisbatan yangi qiymatini e’lon qildi