Тошкентда ичида йўловчилар бўлган «Газель» Lacetti билан тўқнашиб, ағдарилиб кетди

Тошкентнинг Чилонзор туманида «Газель» ва Lacetti иштирокида юз берган ЙТҲда 8 киши жабрланди. Бу ҳақда ЙҲХББ матбуот хизмати хабар берди.

Дастлабки маълумотларга кўра, 10 август куни соат 07:10 ларда Бунёдкор ва Дўмбиробод кўчалари кесишган чорраҳада Ш.Г. бошқарувидаги «Газель» ҳамда 1952 йилда туғилган К.Ю. бошқарувидаги Lacetti тўқнашган.

Натижада «Газель» ағдарилиб кетган. Унинг ҳайдовчиси ва олти нафар йўловчисига, шунингдек, Lacetti’нинг бир нафар йўловчисига биринчи тез тиббий ёрдам кўрсатилган.

Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.

Эслатиб ўтамиз, бундан аввал Тошкентнинг Олмазор туманида йўловчи ташувчи «Газель» ёниб кетганди. Ҳайдовчи ва 8 нафар йўловчи двигателда қисқа туташув юз берганида машинадан тушиб қолган.