Америкалик қўшиқчи Рианна сайёрадаги энг бой мусиқачи аёл дея тан олинди. Forbes нашрининг ҳисоб-китобларига кўра, унинг бойлиги 1,7 миллиард долларга етган, деб хабар беради «Korrespondent.net».
Фото: AP Photo
Шунингдек, қўшиқчи энг бадавлат артист аёллар орасида иккинчи ўринни эгаллаган. Биринчи поғонани эса америкалик телебошловчи Опра Уинфри банд этган.
Шу билан бирга, таъкидланишича, Рианна мусиқа сабаб бойликка эришмаган, чунки 2016 йилдан бери у бирорта янги альбомини тақдим этмаган. У Fenty Beauty компаниясининг 50 фоиз акцияларига эгалик қилади, бу эса унинг даромадини тахминан 1,4 миллиард долларини ташкил этади. Шунингдек, қўшиқчи Savage х Fenty аёллар кийим-кечагини ишлаб чиқарувчи компания орқали ҳам яхшигина даромад кўради.
Forbes Fenty Beauty компаниясини 2,8 миллиард долларга баҳолаган. Рианнанинг ички кийимлар линиясига эса 115 миллион доллар сармоя киритилган бўлиб, у 1 миллиард долларга баҳоланган.
Қўшиқчи, шунингдек, ижтимоий тармоқлар орқали ҳам пул ишлаб топади — унинг Instagram’даги саҳифасини 101 миллион, Twitter’ини эса 102,5 миллион обуначи кузатади.
Аввалроқ АҚШда фейс-назорат Рианна ва A$AP Rocky’ни клубга киргизмагани тўғрисида хабар берилганди. Соқчилар юлдузларни танимаган ва улардан шахсни тасдиқловчи ҳужжат талаб қилган.
