АҚШнинг Флорида штатида ўтказиладиган рок-концертлардан бирининг ташкилотчилари коронавирусга қарши эмланган ва эмланмаганларга чипталарни турли нархларда сотмоқда, деб хабар беради Esquire.
Эмланган ташриф буюрувчилар учун чипта нархи 18 долларни, қолганларга эса 999,99 долларни ташкил этади. Фестиваль ташкилотчиси Пол Уильямс ўз қарорини америкаликларни эмланишга қизиқтириш, шунингдек, тадбирни имкон қадар хавфсиз қилиш ниятида эканлиги билан изоҳлаган.
Унинг сўзларига кўра, 29 май куни арзонлаштирилган нархдаги деярли барча чипталар сотиб бўлинган, бироқ ҳеч ким 1000 долларлик чиптани харид қилмаган. Концертга ташриф буюрувчилар киришда COVID-19’га қарши эмлангани кўрсатилган сертификат ва шахсни тасдиқловчи ҳужжатни тақдим этиши керак.
Концерт тадбири 26 июнь куни Сент-Питерсбергда бўлиб ўтади ва унда асосий чиқиш Тeenage Bottlerocket рок-гуруҳиники бўлади.
Изоҳ (0)