10 июнь куни қамоқдан озод қилинган хонанда Жасур Умиров ижодга қайтди. Унинг бир муддатлик танаффусдан сўнг ижро этилган қўшиғи 22 июнь куни мухлислари эътиборига ҳавола этилди. Қўшиқ сўзларидан унинг қамоқда ёзилгани англашилади. Таронада хонанданинг дўстларидан ҳафасаласи пир бўлгани куйланади.
«Ой ҳам ботар, қуёш ҳам ботар,Инсонлар пул учун виждонини сотар.Тўрт томоним девор аламда ётар,Худонинг кунлари бирма-бир ўтар.
Тепадаги акалар ҳар томон қочар,Бугун дўст-у, душман юзларин очар.Мени синдира олмайсиз келса ҳам хатар,Фақат ота-оналар кун санаб кутар.Ҳатто севган ёринг кутмайди, кетар.
Наркоманнинг ваъдасига,Фоҳишани кўз ёшига,Дўстларингни олқишигаИшонма, ишонма», — дейилади қўшиқда.
Эслатиб ўтамиз, 2021 йилнинг 2 февраль куни жиноят ишлари бўйича Каттақўрғон шаҳар судида бўлиб ўтган суд мажлисида Жасур Умиров Жиноят кодексининг 118-моддаси (номусга тегиш) 1-қисми билан айбли деб топилиб, унга 5 йил муддатга озодликдан маҳрум қилиш жазоси тайинланган эди. 2021 йилнинг 9 июнь куни у қамоқдан озод этилди, унга нисбатан чиқарилган озодликдан маҳрум қилиш жазоси озодликни чеклаш жазосига ўзгартирилган.
Изоҳ (0)