Америкалик рэпер Канье Уэст Атлантадаги ўзининг тўққизинчи концертида Donda альбомини тақдим этгач, тадбир ўтказилган Mercedes-Benz стадионида яшашга қолди. Қўшиқчи у ерда пластинкасини охиригача ёзиб, янги релиз дедлайнини бузмасликка тайёргарлик кўрмоқда, деб хабар беради Esquire.
TMZ нашрининг ёзишича, стадионда рэпер учун студия ва яшаш учун барча зарурий анжомларга эга бино қурилган. Канье учун ҳатто шеф-ошпаз ёлланган. Мусиқачи альбомини якунига етказмагунига қадар спорт аренасида қолади.
Атлантада тақдимот концерти 23 июль куни бўлиб ўтди, альбом релизи шундан кейин ўтказилиши керак эди, бироқ охир-оқибат у 6 август санасига кўчирилган. Эртаси куни Уэстни стадионда ўтказилган футбол матчида пайқаб қолишган. Рэпер концертда кийган кийимида бўлган. У трибунадаги мухлислар билан видеога тушган ва уни Instagram’даги саҳифасига жойлаштирган.
https://www.instagram.com/p/CRuRwgGIp7i/
Канье Уэст ўзининг янги альбомини 2007 йилнинг 10 ноябрида 58 ёшида вафот этган онаси — Donda Уэст шарафига бағишлаган. Хусусан, унда Donda номли қўшиқ ҳам пайдо бўлади. Альбом ёзилаётгани тўғрисида бундан бир йил олдин маълум бўлган эди.
Аввалроқ Netflix Канье Уэст ҳақидаги ҳужжатли фильмни намойиш этиш ҳуқуқини 30 миллион долларга сотиб олгани, фильм 21 йил давомида яратилгани тўғрисида хабар берилганди.
Изоҳ (0)