Bentley’нинг ҳозирга қадар энг муваффақиятли даромади 2014 йилда қайд этилган эди — 887 миллион евро, операцион фойда — 95,2 миллион евро. Компания 2021 йилнинг биринчи ярим йиллигида бу борадаги бир нечта рекордларини янгилади. Хусусан, компания ўтган олти ой ичида 1,32 миллиард евро даромад, 178 миллион евро фойда кўрган, савдо рентабеллиги эса 13 фоизни ташкил этган. Январдан июнь ойига қадар 7199 та автомобиль сотилди, деб хабар беради Motor.

Фото: Bentley

Британиянинг люкс автомобиллар ишлаб чиқарувчиси бўлган Bentley компанияси 2021 йилнинг дастлабки ярим йиллигида 178 миллион евро фойда кўрди — бу марка тарихидаги энг яхши натижа ҳисобланади. Январда июнга қадар чакана савдо 2019 йилги натижалар билан таққослаганда қарийб икки баробарга ўсган: 2019 йилда 4785 та автомобиль сотилга эди. Савдолар Bentley’нинг асосий учта модели орасида тенг тақсимланган: Bentayga кроссовери (2767), Continental GT купеси ва GTC кабриолети (2318) ҳамда Flying Spur седани (2063).

Қарийб 10 йил ичида биринчи бор Bentley Хитойда энг кўп харид қилинган — 2155 та, иккинчи ўринда Шимолий ва Жанубий Америка (2049), ундан кейинги поғонадан Европа давлатлари (1142 та), Осиё-Тинч океани минтақаси (778 та) ва Буюк Британия ўрин олган. Африка ва Ҳиндистонда ушбу кўрсаткич 521 та автомобилни ташкил этган. 2021 йилнинг дастлабки ярим йиллигида компаниянинг даромади 1,32 миллиард еврони ташкил этган (2019 йилда 834,8 миллион евро эди).

Аввалроқ Bentley компанияси Майамида ўзининг осмонўпар турар жой биносини қуриши тўғрисида хабар берилганди.