Tesla компанияси ўзининг электрокарлари учун мўлжалланган дастурий таъминотнинг янги версиясини тақдим этди. Киритилган янги функциялар қаторидан рус тилини қўллаб-қувватлаш имконияти ҳам бор бўлиб, эндиликда бутун борт тизимини, жумладан, овозли ассистентни ҳам унга ўзгартирса бўлади. Бундан ташқари, «автомойка» ва Disney+ стриминг сервиси учун янги режим қўшилган, деб хабар беради Motor.
Tesla’нинг янги дастурий таъминотига рус тилидан ташқари, венгер ва румин тиллари ҳам биринчи бор қўшилган. Илон Маск Tesla расман Россия бозорига киришини ва мамлакатда ҳатто ишлаб чиқаришни йўлга қўйиши мумкинлигини айтганидан икки ой ўтиб пайдо бўлди. Бугунги кунда Америка маркасининг электрокарлари Россияда сотилмоқда ва уларга Moscow Tesla Club томонидан хизмат кўрсатиляпти.
Tesla, шунингдек, «автомойка» учун махсус Car Wash Mode режимини ишлаб чиққан. У фаоллаштирилган вақтда электрокар ойналарни ёпади, ойна тозалагичларни, қўриқлаш режими ва эшиклар қулфини ўчиради, шунингдек, қувватлантириш порти блокланади ва парктроник сигналлари ўчади.
Бошқа янгиликлари қаторидан орқани кўришга мўлжалланган ойнани автоматик равишда қорайтириш функциясини ўчириш, шунингдек, видеорегистратор функциясини кенгайитиш имкониятлари ўрин олган. Эндиликда у хавфсизликка боғлиқ ҳолат қайд этилганда ҳар сафар видеоёзувни сақлаб қўяди. Бундан ташқари, Tesla’нинг мултимедиа тизими Disney+ стриминг сервисини қўллаб-қувватлайди.
Аввалроқ энг тезкор Tesla соатига салкам 100 км тезликка 1,99 сонияда эришгани, Tesla Модель S Plaid’нинг ғайриоддий рули шаҳар шароитида бошқаришда жуда ноқулай бўлиб чиққани тўғрисида хабар берилганди.
Изоҳ (0)