Ғилдираклар устидаги уйларни ишлаб чиқариш билан шуғулланувчи Airstream компанияси ва Американинг уйлар учун товарларни тақдим этувчи Pottery Barn тармоғи ҳамкорликдаги лойиҳаси — 8,5 метрли Airstream х Pottery Barn Special Edition номли трейлерини тақдим этди, деб хабар беради Motor.
Airstream х Pottery Barn Special Edition ичидан зангламайдиган пўлатдан ишланган раковинали мини-ошхона, шунингдек, плита, печ ва музлаткич ўрин олган. Бунга қўшимча равишда трейлерда тушлик учун мўлжалланган эманли стол, тўлиқ ўлчамли бурчак дивани, телевизор ва буюмларни сақлаш учун кўплаб ғаладонлар мавжуд.
Мижознинг талабидан келиб чиқиб, трейлерни бир ёки икки ўриндиқли каравот билан жиҳозлаш мумкин ва бунда чойшабларнинг барчаси ҳаво ўтказувчан ва чидамли Бельгия зиғиридан тайёрланади. Бундан ташқари, трейлер нархи ичидан кўплаб дизайнерлар предметлари, жумладан, «рулон»ли дарпардалар, йиғма стол ва стуллар, эшик остонасидаги гиламча ва 16 та анжомдан иборат идиш-товоқ жамланмаси ўрин олган.
Беш киши сиғадиган ғилдираклар устидаги мазкур шинам уй 145,5 минг долларга баҳоланган. Бу пулга Москва марказидан бемалол янги квартира харид қилиш мумкин.
Аввалроқ Калифорнияда Том Хенксга тегишли ғилдираклар устидаги уй аукционга қўйилиши тўғрисида хабар берилганди. 1992 йилда ишлаб чиқарилган Airstream 34 Excella’ни 150—250 минг долларга сотиш режалаштирилган.
Изоҳ (0)