JP Morgan Chase’нинг Хитойдаги офиси инвесторларининг маълум қилишича, Apple компанияси iPhone 14 Pro моделларидан титандан фойдаланишга ўтади. Гап тўлиқ титан корпус эмас, балки ушбу метал бўлаклари ишлатилиши ҳақида кетаётган бўлиши мумкин, деб хабар беради Hi-Tech.Mail.ru.
Фото: GSMarena
Apple’нинг титан билан ишлаш бўйича тажрибаси бор. Компания титан қотишмаларидан Watch Series 6 смарт-соатларининг айрим моделлари ва Apple Card кредит карталарида фойдаланиб келади.
Титан аксарият металларга нисбатан мустаҳкам (зангламайдиган пўлатдан камида уч баробар), бироқ шу билан бирга енгил. Аммо унинг минус тарафлари ҳам бор: титанда доғлар тез пайдо бўлади, бу эса қурилманинг жозибадорлигига таъсир кўрсатиши мумкин. Одатда ушбу муаммо қотишмага бошқа металл қўшиш билан ҳал этилади.
Маълумотларга кўра, титандан фақат iPhone 14’нинг Pro-моделларида фойдаланилади. 2022 йилги линейкада иккита 6,1 дюймли ҳамда иккита 6,7 дюймли iPhone пайдо бўлади. Компания iPhone 14 mini’ни ишлаб чиқаришдан воз кечади.
Мавзуга доир:
Аввалроқ iPhone 13 линейкасидаги барча смартфонларнинг нархи ва хотира ҳажми маълум бўлган, Apple талаб камлиги боис iPhone 12 mini’ни ишлаб чиқаришни тўхтатиши тўғрисида хабар берилганди.
