Қорақалпоғистонда Қозоғистон фуқароси бошқарувидаги Toyota Land Cruiser йўл-транспорт ҳодисасига учради, дея хабар бермоқда ЙҲХББ.
Маълум қилинишича, 21 июль куни соат тахминан 14:00 ларда Қорақалпоғистон Республикаси Элликқалъа туманида вақтинча яшовчи Қозоғистон фуқароси Toyota Land Cruiser автомобилида ЙТҲга учраган.
ЙТҲга ҳаракатланиш вақтида ҳайдовчининг рул бошқарувини йўқотиши сабаб бўлган.
Йўл четига ағдарилиб кетиши натижасида ҳайдовчи олган тан жароҳатлари билан воқеа жойида вафот этган. Автомобилда бошқа йўловчилар бўлмаган.
Бундан аввал Сирдарёда бошқарув вақтида ухлаб қолган юк машинаси ҳайдовчиси ЙТҲ оқибатида вафот этгани, Тошкентда Matiz уриб юбориши оқибатида 65 ёшли фуқаро вафот этгани ҳамда Сурхондарёда юк машинаси ва икки Nexia иштирокидаги ЙТҲ оқибатида йўловчи ҳалок бўлгани ҳақида хабар берилганди.
Изоҳ (0)