Qoraqalpog‘istonda Qozog‘iston fuqarosi boshqaruvidagi Toyota Land Cruiser yo‘l-transport hodisasiga uchradi, deya xabar bermoqda YHXBB.
Ma’lum qilinishicha, 21-iyul kuni soat taxminan 14:00 larda Qoraqalpog‘iston Respublikasi Ellikqal’a tumanida vaqtincha yashovchi Qozog‘iston fuqarosi Toyota Land Cruiser avtomobilida YTHga uchragan.
YTHga harakatlanish vaqtida haydovchining rul boshqaruvini yo‘qotishi sabab bo‘lgan.
Yo‘l chetiga ag‘darilib ketishi natijasida haydovchi olgan tan jarohatlari bilan voqea joyida vafot etgan. Avtomobilda boshqa yo‘lovchilar bo‘lmagan.
Bundan avval Sirdaryoda boshqaruv vaqtida uxlab qolgan yuk mashinasi haydovchisi YTH oqibatida vafot etgani, Toshkentda Matiz urib yuborishi oqibatida 65 yoshli fuqaro vafot etgani hamda Surxondaryoda yuk mashinasi va ikki Nexia ishtirokidagi YTH oqibatida yo‘lovchi halok bo‘lgani haqida xabar berilgandi.
Izoh (0)