АОКАда Коронавирусга қарши кураш штаби аъзоси Ботир Қурбонов иштирокида ўтказилган брифингда Ўзбекистонда COVID-19’га қарши кураш доирасида қилинаётган ишлар, эмлаш жараёнидаги муҳим вазифалар тўғрисида маълумот берилди.
Республика ҳудудига коронавирус инфекциясининг четдан кириб келишининг олдини олиш мақсадида 20 июлдан бошлаб Ўзбекистон чегарасидан автойўл чегара ўтказиш пункти орқали кириб келаётган шахсларни ўз маблағлари ҳисобидан чегара ўтказиш пунктларида экспресс антиген тест усулида таҳлил топширишлари керак ва манфий натижа қайд этилган ҳолдагина, республика ҳудудига киритилишига рухсат берилади.
Шу билан бирга, автойўл чегараларида экспресс антиген тест таҳлилида мусбат натижа қайд этиладиган бўлса, чет эл фуқаролари ёки Ўзбекистонда доимий яшаш фуқаролиги бўлмаган шахслар республика ҳудудига киритилмайди. Бунда Ўзбекистонда фаолият юритаётган ва истиқомат қилаётган чет эл фуқаролари ҳамда мамлакатда доимий яшайдиган фуқаролиги бўлмаган шахслар мустасно саналади.
Ўзбекистон фуқаролари ва Ўзбекистонда яшашга рухсат берилган фуқароларда коронавирус инфекцияси аниқланганда COVID-19 бўйича ташкил этилган махсус шифохоналар ёки касаллик даражасига кўра уй шароитида даволанишга йўналтирилади.
Шунингдек, Сўх тумани, Шоҳимардон, Чўнқара, Тоштепа аҳоли пунктларида чегара ҳудудларидаги автотранспорт чегараси алоҳида ҳудуд деб юритилиб, Ўзбекистон томонидан транзит тарзда бораётган Ўзбекистон фуқароларидан коронавирус инфекциясига барча турдаги тест таҳлилларини топшириш талаб этилмайди.
Мазкур тартиб алоҳида ҳудудларга кириб-чиқаётган Қирғизистон фуқароларига татбиқ этилади.
Ҳар куни ишга Ўзбекистон ва Қирғизистон давлатлари ўртасида кунлик қатнаб, фаолият амалга ошираётган шахсларга алоҳида имтиёз берилди.
Маълумот учун, Ўзбекистонда 28 июндан карантин чекловлари кучайтирилди. Тошкент шаҳрига 28 июндан транспорт воситалари киришига ҳамда кўнгилочар ва овқатланиш объектлари фаолиятига чекловлар ўрнатилди.
Изоҳ (0)