Бугун,

  • USD 10920.28
  • RUB 177.49
  • EUR 11052.42

Сальма Хайек, Элизабет Ольсен ва Скарлетт Йоханссон карьерасини ўзгартириши мумкин бўлган фильмлар билан танишинг.

Элизабет Ольсен — «Тахтлар ўйини»да Денерис Таргариен роли учун

Фото: Getty Images

Голливуддаги подкастларнинг бирида Элизабет Ольсен «Тахтлар ўйини» фильмидаги Денерис Таргариен ролига синовни жуда ёмон топширганини, ҳатто уни қайта чақиришмаганини ҳам эслаган. Ўша пайтда бўлажак юлдуз карьераси энди бошланаётгани сабабли катта тажрибага эга эмас эди.

Фото: Getty Images

«Мени Нью-Йоркдаги кичкина хонада кастингдан ўтказишди, у ерда менга қаратилган камера бўлиб, кастинг директорининг ёрдамчиси матнни ўқиб берди. Бу Кҳалисининг биринчи мавсум охирига яқин оловдан чиқиб келишидаги нутқи эди. Ҳаммасини расво қилганман», — деб эслайди актриса.

Сальма Хайек – «Матрица»даги Тринити роли учун

Фото: Getty Images

Сальма Хайек дангасалиги сабабли «Матрица»даги Тринити роли учун танловдан ўта олмаган. Актрисанинг таъкидлашича, кастинг пайтида ундан жисмоний жиҳатдан жуда кўп нарсаларни талаб қилишган.

Фото: Getty Images

Хайекнинг сўзларига кўра, у ҳеч қачон спорт залга бормаган, шу сабабли хона бўйлаб бир-икки айлана югурганида нафаси тиқилиб қолган.

Женнифер Лоуренс — «Сумерки»даги Белла Свон роли учун

Фото: Getty Images

Женнифер Лоуренснинг фильмографиясида машҳур франшизалар борлигига қарамай, актриса «Сумерки»даги Белла ролига ўта олмаганини кўп эслайди. Юлдузнинг сўзларига кўра, у мазкур саганинг бунчалик машҳур бўлишини кутмаган.

Фото: Getty Images

«Мен учун ҳам, Кристен учун ҳам бу одатдаги яна бир киносинов, деб ўйлагандим. Аммо фильм кутилганидан ҳам кўп омадга эришди», — дейди Женнифер.

Скарлетт Йоханссон — «Жуманжи»даги Жуди Шеперд роли учун

Фото: Getty Images

Скарлетт Йоханссон «Жуманжи» саргузашт фильмидаги кичик Жуди ролини деярли қўлга киритган эди, аммо ўша пайтда арсеналида бир нечта фильмлари бўлган Кирстен Данст орага суқилган.

Фото: Getty Images

Бироқ Скарлетт ҳам ўз мақсадига эришди: ҳозирда у энг кўп маош оладиган актрисалар рейтингига киради ва ҳар қандай лойиҳа — мустақил драмалардан тортиб юқори бюджетли блокбастерларда ҳам роль ўйнай олиши мумкин.

Натали Портман — «Ромео ва Жульетта»даги Жульетта роли учун

Фото: Getty Images

Карьерасини эрта болаликдан бошлаган яна бир юлдуз Шекспирнинг ўлмас асарида Жульетта образида намоён бўлиши мумкин эди. У ҳатто Леонардо Ди Каприо билан синовдан ўтиш учун режиссёр Баз Лурман олдига — Сиднейга учиб келган.

Фото: Getty Images

Бироқ фильм директори Клэр Дэйнсни танлаган. Актрисанинг кичкина бўйи сабабли у шериги ёнида кадрда хунук кўринарди, шунингдек, унинг фонида Леонардо анча ёши катта бўлиб кўринган. Бундан ташқари, режиссёр Сара Мишель Геллар, Женнифер Лав Хьюитт, Риз Уизерспун ва Кристина Риччини ҳам рад этган.

Лив Тайлер — «Леон»даги Матилда роли учун

Фото: Getty Images

«Леон» фильмидаги кичкина Матилда ролига икки мингга яқин актриса синов топширган, улар орасида Лив Тайлер ҳам бор эди.

Фото: Getty Images

Аммо актриса ёши катта деб рад этилган — ўша пайтда у 15 ёшда бўлган.

Аня Тэйлор-Жой «Малефисента» фильмидаги ёш Малефисента роли учун

Фото: Getty Images

Карьерасининг бошида катта ва кичик ролларни ўйнаган Аня «Малефисента»даги рол учун синовдан ўтган. Агар омад юз ўгирмаганида у ёшлигиданоқ асосий қаҳрамон ролини ўйнаган бўлар эди, аммо ушбу ролга Элла Пернелл танланган.

Фото: Getty Images

Ҳозирда Элланинг фильмографиясида бир-иккита қизиқарли лойиҳаларни кўриш мумкин. Тэйлор-Жой эса фақат бош ролларни ижро этмоқда.

Изоҳ
Асосий янгиликлар