Турли сабабларга кўра машҳур роллардан қуруқ қолган Голливуд юлдузлари (фото)

Сальма Хайек, Элизабет Ольсен ва Скарлетт Йоханссон карьерасини ўзгартириши мумкин бўлган фильмлар билан танишинг.

Элизабет Ольсен — «Тахтлар ўйини»да Денерис Таргариен роли учун

Голливуддаги подкастларнинг бирида Элизабет Ольсен «Тахтлар ўйини» фильмидаги Денерис Таргариен ролига синовни жуда ёмон топширганини, ҳатто уни қайта чақиришмаганини ҳам эслаган. Ўша пайтда бўлажак юлдуз карьераси энди бошланаётгани сабабли катта тажрибага эга эмас эди.

«Мени Нью-Йоркдаги кичкина хонада кастингдан ўтказишди, у ерда менга қаратилган камера бўлиб, кастинг директорининг ёрдамчиси матнни ўқиб берди. Бу Кҳалисининг биринчи мавсум охирига яқин оловдан чиқиб келишидаги нутқи эди. Ҳаммасини расво қилганман», — деб эслайди актриса.

Сальма Хайек – «Матрица»даги Тринити роли учун

Сальма Хайек дангасалиги сабабли «Матрица»даги Тринити роли учун танловдан ўта олмаган. Актрисанинг таъкидлашича, кастинг пайтида ундан жисмоний жиҳатдан жуда кўп нарсаларни талаб қилишган.

Хайекнинг сўзларига кўра, у ҳеч қачон спорт залга бормаган, шу сабабли хона бўйлаб бир-икки айлана югурганида нафаси тиқилиб қолган.

Женнифер Лоуренс — «Сумерки»даги Белла Свон роли учун

Женнифер Лоуренснинг фильмографиясида машҳур франшизалар борлигига қарамай, актриса «Сумерки»даги Белла ролига ўта олмаганини кўп эслайди. Юлдузнинг сўзларига кўра, у мазкур саганинг бунчалик машҳур бўлишини кутмаган.

«Мен учун ҳам, Кристен учун ҳам бу одатдаги яна бир киносинов, деб ўйлагандим. Аммо фильм кутилганидан ҳам кўп омадга эришди», — дейди Женнифер.

Скарлетт Йоханссон — «Жуманжи»даги Жуди Шеперд роли учун

Скарлетт Йоханссон «Жуманжи» саргузашт фильмидаги кичик Жуди ролини деярли қўлга киритган эди, аммо ўша пайтда арсеналида бир нечта фильмлари бўлган Кирстен Данст орага суқилган.

Бироқ Скарлетт ҳам ўз мақсадига эришди: ҳозирда у энг кўп маош оладиган актрисалар рейтингига киради ва ҳар қандай лойиҳа — мустақил драмалардан тортиб юқори бюджетли блокбастерларда ҳам роль ўйнай олиши мумкин.

Натали Портман — «Ромео ва Жульетта»даги Жульетта роли учун

Карьерасини эрта болаликдан бошлаган яна бир юлдуз Шекспирнинг ўлмас асарида Жульетта образида намоён бўлиши мумкин эди. У ҳатто Леонардо Ди Каприо билан синовдан ўтиш учун режиссёр Баз Лурман олдига — Сиднейга учиб келган.

Бироқ фильм директори Клэр Дэйнсни танлаган. Актрисанинг кичкина бўйи сабабли у шериги ёнида кадрда хунук кўринарди, шунингдек, унинг фонида Леонардо анча ёши катта бўлиб кўринган. Бундан ташқари, режиссёр Сара Мишель Геллар, Женнифер Лав Хьюитт, Риз Уизерспун ва Кристина Риччини ҳам рад этган.

Лив Тайлер — «Леон»даги Матилда роли учун

«Леон» фильмидаги кичкина Матилда ролига икки мингга яқин актриса синов топширган, улар орасида Лив Тайлер ҳам бор эди.

Аммо актриса ёши катта деб рад этилган — ўша пайтда у 15 ёшда бўлган.

Аня Тэйлор-Жой «Малефисента» фильмидаги ёш Малефисента роли учун

Карьерасининг бошида катта ва кичик ролларни ўйнаган Аня «Малефисента»даги рол учун синовдан ўтган. Агар омад юз ўгирмаганида у ёшлигиданоқ асосий қаҳрамон ролини ўйнаган бўлар эди, аммо ушбу ролга Элла Пернелл танланган.

Ҳозирда Элланинг фильмографиясида бир-иккита қизиқарли лойиҳаларни кўриш мумкин. Тэйлор-Жой эса фақат бош ролларни ижро этмоқда.