Жанжаллашиб қолганидан кейин дўстона муносабатларига нуқта қўйган юлдузлар (фото)

Бир вақтлар муносабатлари яхши бўлган, аммо турли сабабларга кўра бошқа-бошқа йўлдан кетишни афзал билган машҳурлар ҳақида маълумот бериб ўтамиз.

Перис Хилтон ва Ким Кардашьян

2000 йилларда Перис ва Ким деярли барча зиёфатларга бирга ташриф буюрган. Уларга қаратилган объективлар қаршисида бир-бирини қучоқлаб суратга тушган. Аммо кейинроқ қалин дугоналарнинг орасидан қора мушук ўтган. Кимнинг журнал муқоваларини безагани, бутун дунёда машҳурликка эришганини Перис чидай олмаган. Кимга рақобатчи сифатида қараган хонанда у билан дўстлигига нуқта қўйишга қарор қилган. Орадан йиллар ўтгач эски муносабатларини тиклашга уринган. Бугунги кунга келиб Кардашьян ва Хилтон бир-бири билан илиқ муносабатда. Перис дам олиш кунлари Кимнинг фарзандлари билан бирга вақтини чоғ ўтказади.

Гвинет Пелтроу ва Вайнона Райдер

90 йилларнинг охирида ҳеч бир зиёфат ва тадбирлар Гвинет ва Вайнонасиз ўтмаган. Орасидан қил ўймайдиган дугоналарнинг муносабатларида дарз кетишига «Ошиқ Шекспир» фильмидаги ролни бўлиша олмагани сабаб бўлган. Гап шундаки, аввалига Райдер учун ёзилган рол кейинчалик Гвинетга насиб қолган. Оқибатда Вайнона нафақат яхши фильмда суратга тушиш имконияти, балки «Оскар» мукофотини қўлга киритишдан ҳам бебаҳра қолган.

Перис Хилтон ва Никол Ричи

Периснинг бошқа юлдуз қизлар билан чиқиша олмаслиги янгилик эмас. Хонанда болалигиданоқ таниш бўлган Никол Ричи билан ҳам шундай бўлган. 2005 йилда бир-бири учун собиқ бўлиб улгурган юлдузлар ҳар берган интервьюсида бир-бирига лой чаплаган. Уларнинг бир-бири билан юз кўрмас бўлиб қолишига бу сафар ҳам рақобат сабаб бўлган. Ким билан бўлган вазиятдан фарқли равишда бу сафар Перисга нисбатан ноҳақлик бўлган. Машҳур бўлишига ёрдам берганига жавобан, Ричи Перисга нонкўрлик қилган.

Селена Гомес ва Деми Ловато

Селена Гомес ва Деми Ловато машҳурликка эришишдан аввалроқ жуда ҳам қалин дугона бўлган. Бир-бирини қўллаб-қувватлаган ва қанчалик банд бўлмасин учрашиш учун вақт топган. Аммо ҳаётнинг ўзи ҳатто энг мустаҳкам муносабатлар ҳам вақти келса барбод бўлиши мумкинлигини кўрсатади. Уларнинг юз кўрмас бўлиб кетишига исми номаълум бўлган эркакка бўлган севги сабаб бўлган.

Мадонна ва Гвинет Пелтроу

Деярли 10 йил давомида бир-бири билан ажралмас бўлган машҳурлар ўртасидаги муносабатлар 2010 йилга келиб ёмонлашган. Мадоннанинг маълум қилишича, матбуотга берган интервьюлардан кейин Гвинет билан мулоқот қилиш тамоман имконсиз бўлиб қолган. Улар айнан нимани бўлиша олмагани эса ҳали ҳамон сирлигича қолмоқда.

Кен Пейвс ва Жессика Симпсон

Стилист Кен Пейвснинг Голливудда машҳурликка эришишига унинг мижози Жессика Симпсон сабабчи бўлган. Аммо вақт ўтиб кўп йиллик дўстларнинг муносабатига кечки зиёфатларнинг бирида нуқта қўйилади. Бунинг сабаби ҳақида гап кетганда Симпсон изоҳ бермасликни афзал билса, Пейвс хонанда ўзидан бошқа ҳеч кимни яхши кўрмаслигини таъкидлайди.