Бир муддат бошқа ижодкорлар соясида бўлган, аммо кейинроқ ўз йўлини топган шоу-бизнес вакиллари ҳақида маълумот бериб ўтамиз.
Sia
Хонанда 10 йилдан кўп вақт давомида дунёнинг машҳур юлдузлари — Рианна, Селин Дион, Бейонсе ва Бритни Спирсга қўшиқ ёзган. Sia ўзини турли жанрларда ижод қила олмайди деб ҳисоблаган, аммо кун келиб ҳаммаси ўзгарган. Бир нечта хонанда, Sia учун энг яхши ҳисобланган, қўшиқларни ижро этишдан воз кечган. Шу воқеадан кейин қўшиқчи қатъиятли бўлишга, ўзини қўлга олишга қарор қилган. Натижада эса аксарият чартларда етакчилик қилган «This is acting» номли альбомни мухлисларга тақдим қилган.
Рита Дакота
Ўзи ёзган шеър асосида қўшиқ куйлаб, клип суратга олишдан чарчамайдиган Рита билан аввалроқ ҳаммаси бошқача бўлган. Турли вақтларда Анита Сой, Зара, Ани Лорак, Светлана Лободалар билан ҳамкорлик қилган. Сотилган қўшиқлар эвазига келган маблағлардан ўзининг клипларини суратга олиш ва муваффақиятли карьера қилишга эришган.
Леди Гага
2007 йилдан Interscope Records’да ишлаган хонанда, Pussycat Dolls гуруҳи ва Бритни Спирс сингари машҳурларга қўшиқ ёзган. Кейинчалик ижодига бефарқ бўлмаган рэпер Акон, унга ўз карьерасини йўлга қўйишни таклиф қилган. Шундан кейин Леди Гага, Бритни учун ёзилган, аммо рад этилган «Telephone» қўшиғини Бейонсе билан бирга куйлаган. Шундан кейин ҳақиқий машҳурликка эришган.
Ирина Дубцова
Дубцова рус эстрадасида нафақат хонанда, балки бир қанча қўшиқлар матни муаллифи сифатида ҳам яхши маълум. Филипп Киркоров, Полина Гагарина, Дима Билан, Ольга Бузова ва бошқа бир қанча машҳурлар унинг муаллифлигидаги қўшиқларни куйлаган. Юлдузнинг сўзларига кўра, таниқли артистларга ўз қўшиқларини таклиф этишни унга собиқ турмуш ўртоғи Роман Черницин маслаҳат берган.
«DaBro» гуруҳи
2020 йилда хит бўлган «Ёшлик» («Юность») қўшиғи ижрочилари узоқ вақт давомида бошқа машҳур гуруҳлар учун қўшиқ матнини ёзган. Светлана Лобода, Жиган, Полина Гагарина ва Диана Арбенина шулар жумласидан. « ‘Юность’ қўшиғи жуда ҳам хит бўлишини ҳис қилгандик. Клипнинг чиқиши шов-шувли бўлишини кутгандик, аммо бунчалик бўлиши хаёлимизга келмаган».
Изоҳ (0)