Turli sabablarga ko‘ra mashhur rollardan quruq qolgan Gollivud yulduzlari (foto)

Salma Xayek, Elizabet Olsen va Skarlett Yoxansson karyerasini o‘zgartirishi mumkin bo‘lgan filmlar bilan tanishing.

Elizabet Olsen — “Taxtlar o‘yini”da Deneris Targariyen roli uchun

Gollivuddagi podkastlarning birida Elizabet Olsen “Taxtlar o‘yini” filmidagi Deneris Targariyen roliga sinovni juda yomon topshirganini, hatto uni qayta chaqirishmaganini ham eslagan. O‘sha paytda bo‘lajak yulduz karyerasi endi boshlanayotgani sababli katta tajribaga ega emas edi.

“Meni Nyu-Yorkdagi kichkina xonada kastingdan o‘tkazishdi, u yerda menga qaratilgan kamera bo‘lib, kasting direktorining yordamchisi matnni o‘qib berdi. Bu Khalisining birinchi mavsum oxiriga yaqin olovdan chiqib kelishidagi nutqi edi. Hammasini rasvo qilganman”, — deb eslaydi aktrisa.

Salma Xayek – “Matritsa”dagi Triniti roli uchun

Salma Xayek dangasaligi sababli “Matritsa”dagi Triniti roli uchun tanlovdan o‘ta olmagan. Aktrisaning ta’kidlashicha, kasting paytida undan jismoniy jihatdan juda ko‘p narsalarni talab qilishgan.

Xayekning so‘zlariga ko‘ra, u hech qachon sport zalga bormagan, shu sababli xona bo‘ylab bir-ikki aylana yugurganida nafasi tiqilib qolgan.

Jennifer Lourens — “Sumerki”dagi Bella Svon roli uchun

Jennifer Lourensning filmografiyasida mashhur franshizalar borligiga qaramay, aktrisa “Sumerki”dagi Bella roliga o‘ta olmaganini ko‘p eslaydi. Yulduzning so‘zlariga ko‘ra, u mazkur saganing bunchalik mashhur bo‘lishini kutmagan.

“Men uchun ham, Kristen uchun ham bu odatdagi yana bir kinosinov, deb o‘ylagandim. Ammo film kutilganidan ham ko‘p omadga erishdi”, — deydi Jennifer.

Skarlett Yoxansson — “Jumanji”dagi Judi Sheperd roli uchun

Skarlett Yoxansson “Jumanji” sarguzasht filmidagi kichik Judi rolini deyarli qo‘lga kiritgan edi, ammo o‘sha paytda arsenalida bir nechta filmlari bo‘lgan Kirsten Danst oraga suqilgan.

Biroq Skarlett ham o‘z maqsadiga erishdi: hozirda u eng ko‘p maosh oladigan aktrisalar reytingiga kiradi va har qanday loyiha — mustaqil dramalardan tortib yuqori budjetli blokbasterlarda ham rol o‘ynay olishi mumkin.

Natali Portman — “Romeo va Julyetta”dagi Julyetta roli uchun

Karyerasini erta bolalikdan boshlagan yana bir yulduz Shekspirning o‘lmas asarida Julyetta obrazida namoyon bo‘lishi mumkin edi. U hatto Leonardo Di Kaprio bilan sinovdan o‘tish uchun rejissor Baz Lurman oldiga — Sidneyga uchib kelgan.

Biroq film direktori Kler Deynsni tanlagan. Aktrisaning kichkina bo‘yi sababli u sherigi yonida kadrda xunuk ko‘rinardi, shuningdek, uning fonida Leonardo ancha yoshi katta bo‘lib ko‘ringan. Bundan tashqari, rejissor Sara Mishel Gellar, Jennifer Lav Xyuitt, Riz Uizerspun va Kristina Richchini ham rad etgan.

Liv Tayler — “Leon”dagi Matilda roli uchun

“Leon” filmidagi kichkina Matilda roliga ikki mingga yaqin aktrisa sinov topshirgan, ular orasida Liv Tayler ham bor edi.

Ammo aktrisa yoshi katta deb rad etilgan — o‘sha paytda u 15 yoshda bo‘lgan.

Anya Teylor-Joy “Malefisenta” filmidagi yosh Malefisenta roli uchun

Karyerasining boshida katta va kichik rollarni o‘ynagan Anya “Malefisenta”dagi rol uchun sinovdan o‘tgan. Agar omad yuz o‘girmaganida u yoshligidanoq asosiy qahramon rolini o‘ynagan bo‘lar edi, ammo ushbu rolga Ella Pernell tanlangan.

Hozirda Ellaning filmografiyasida bir-ikkita qiziqarli loyihalarni ko‘rish mumkin. Teylor-Joy esa faqat bosh rollarni ijro etmoqda.