Жонс Ҳопкинс университети маълумотларига кўра, дунёда коронавирусга чалинганлар сони 184 186 274 кишини ташкил қилмоқда, шуларнинг 3 985 486 нафари касалликдан вафот этган. Касалланиш ҳолатлари сони бўйича АҚШ (33,7 миллион), Ҳиндистон (30,6 миллион), Бразилия (18,7 миллион), Франция (5,8 миллион) ва Россия (5,5 миллион) етакчилик қилмоқда.
Россияда сўнгги бир кеча-кундузда 737 киши COVID-19 туфайли вафот этди. Бу коронавирусдан кунлик ўлимлар сони бўйича рекорд кўрсаткич, чунки пандемия бошидан буён мамлакатда бир кунда 700 ва ундан ортиқ ўлим қайд этилмаган эди.
Аввалги рекорд 3 июлда ўрнатилган, ўшанда 697 киши касаллик қурбони бўлган.
Сўнгги 24 соат ичида COVID-19’дан энг кўп ўлим одатдагидек Москва ва Санкт-Петербургга тўғри келди. Ўтган кун давомида Москвада 114 бемор вафот этган бўлса, Санкт-Петербургда 99 киши касаллик қурбони бўлди. Шунингдек, рекорд даражада ўсишга вилоятлардаги ўлимлар сони ҳам ҳисса қўшган, хусусан, Иркуцк вилоятида (33 киши), Нижегородда (26), Бурятияда (24), Краснодар ўлкасида (23), Пенза вилояти (22) ва Москва вилоятида энг кўп ўлимлар қайд этилган.
Россия федерал оператив штаби маълумотларига кўра, мамлакатда пандемия бошланганидан бери COVID-19 қурбонларининг умумий сони 139 316 кишини ташкил қилмоқда.
Ўтган кун давомида Россияда коронавирус юқтириш бўйича 23 378 та янги ҳолат аниқланиб, инфекция юқтирганларнинг умумий сони 5,658 миллиондан ошган.
Мавзуга доир: Россияда кетма-кет учинчи кун COVID-ўлимлар сони антирекорд ўрнатди. Москвада коронавирусга қарши қайта эмлаш бошланди
«‘Спутник V’ бир неча ойдан буён Мексикада муваффақиятли қўлланиб келинмоқда ҳамда хавфсизлик ва самарадорликнинг ажойиб кўрсаткичларини намойиш этмоқда», — деди РТИФ бош директори Кирилл Дмитриев.
«Спутник V» вакцинаси 2021 йилнинг 3 февралида қўшимча клиник синовларсиз тезлаштирилган процедура доирасида Мексикада рўйхатдан ўтказилган. Мексика «Спутник V»ни рўйхатдан ўтказган ва ишлаб чиқаришни бошлаган Шимолий Америкадаги биринчи давлат бўлди.
Мавзуга доир: Мексика президентида коронавирус аниқланди
«РТИФ ва Ҳиндистоннинг етакчи фармацевтика компанияларидан бири бўлган Morepen Laboratories компаниянинг Химачал-Прадеш штатида жойлашган заводида ‘Спутник V’ коронавирусга қарши вакцинасининг синов партияси ишлаб чиқарилганини эълон қилади», — дейилади РТИФ матбуот хизмати хабарида.
Ишлаб чиқарилган вакциналар сифат назорати учун Гамалея марказига юборилади.
Таъкидланишича, РТИФ ва Morepen Laboratories компанияси 2021 йилнинг июнь ойида ҳамкорлик тўғрисидаги битимни имзолаган ва «ҳозирда технологияларни узатиш жараёнини фаол амалга оширмоқда».
РТИФ, шунингдек, Ҳиндистоннинг бошқа энг йирик фармацевтика ишлаб чиқарувчилари: Gland Pharma, Hetero Biopharma, Panacea Biotec, Stelis Biopharma, Virchow Biotech билан ҳам шартномалар имзолаган. Ушбу ҳамкорлик Ҳиндистонга ҳар йили ўз ҳудудида 850 миллион дозадан ортиқ «Спутник V» вакцинасини ишлаб чиқаришга имкон беради, дейилади матбуот хизматида.
Мавзуга доир: Ҳиндистонда сўнгги уч кундан буён илк бор энг кам одамда COVID-19 аниқланди ва эмланиш бўйича рекорд ўрнатилди
- Индонезияда 6 июлдан мамлакатга келган хорижлик сайёҳлардан коронавирусга қарши тўлиқ эмланганлик тўғрисида сертификат талаб қилиш бошланди. Бундан ташқари, мамлакатга кириш учун иккита ПЗР-тестидан ва саккиз кунлик карантиндан ўтиш керак. Россиянинг «Спутник V» вакцинаси Индонезия ҳукумати томонидан тасдиқланмагани сабабли ушбу вакцина сертификати мамлакатга кириш ҳуқуқини бермайди. Таъкидланишича, коронавирусга топширган тести натижалари ижобий чиққан чет элликларнинг барчаси ўз маблағлари ҳисобидан касалхонага ёки ковид-меҳмонхонага икки ҳафтага жойлаштирилади
- Франциянинг Sanofi компанияси коронавирусга қарши ишлаб чиққан вакцинаси клиник синовларининг учинчи босқичини бошлади. Декабрь ойида Франция COVID-19’га қарши ўз вакцинасини қўллай бошлаши мумкин. Pfizer-BioNTech, AstraZeneca, Moderna ва Janssen вакцинасидан фарқли ўлароқ, француз вакцинасида мРНК технологияси қўлланилмайди. Препарат гриппга қарши замонавий вакциналар сингари рекомбинант оқсилга асосланган бўлади. Ундаги махсус модда — адвуянтом ёрдамида иммунитетнинг жавоби фаол ва узоқроқ давом этади. Шунингдек, Франция вакцинасининг афзалликлари орасида уни ишлаб чиқариш арзон бўлиши ва препаратни сақлаш тартиби соддароқ бўлиши кузда тутилган. Вакцинанинг арзонлиги дунёдаги кам ривожланган давлатларга ёрдам бериши мумкин.
- Кембриж герцогиняси Кейт коронавирус билан касаллангани тасдиқланган одам билан алоқада бўлганидан сўнг ўзини ўн кунлик изоляцияга олди. 6 июль куни у турмуш ўртоғи, шаҳзода Уильям билан Миллий соғлиқни сақлаш хизматининг 73 йиллигига бағишланган тадбирларда иштирок этиши керак эди. Кенсингтон саройи герцогиняда касаллик аломатлари йўқлигини таъкидламоқда, аммо Кейт қоидаларга содиқ қолади. У 2 июль куни кечқурун ўзини изоляцияга олган. Аввалроқ Кейт ва Уильям коронавирусга қарши эмланган эди.
Изоҳ (0)