«Мўъжизакор аёл» фильми қаҳрамони Галь Гадот ўзининг учинчи фарзандини дунёга келтириб, кўп болали онага айланди. Бу ҳақда у ўзининг Instagram’даги саҳифаси орқали маълум қилди, деб хабар беради Базаар.
«Менинг ажойиб оилам. Мен жуда ҳам миннатдорман ва бахтлиман (ва чарчадим). Даниэль оиламизга келганида жуда хурсандмиз», — деб ёзади актриса.
https://www.instagram.com/p/CQtky9DNFXe/
Эълон қилинган суратга кўра, актриса ҳозирда уйида бўлиб, турмуш ўртоғи ва икки нафар қизи қуршовида яшамоқда.
Маълумот учун, Галь 2008 йилда ўзидан 10 ёш катта исроиллик бизнесмен Ярон Версано билан турмуш қурган. Бир кўришда бир-бирини ёқтириб қолган жуфтлик икки йил учрашиб юрганидан кейин ришталарини никоҳ билан боғлашга аҳд қилган.
Галь Гадот «Бетмен Суперменга қарши», «Адолат лигаси», «Мўъжизакор аёл», «Жосус қўшнилар» фильмлари, шунингдек, «Форсаж» сагаси каби картиналар орқали машҳурликка эришган. Айни вақтда актрисанинг Instagram’даги обуначилари сони 56,2 миллиондан ортиқни ташкил этади.
Изоҳ (0)