Голливуд юлдузи Алек Болдуин «Кичкина хўжайин 2» мультфильмининг Нью-Йоркдаги премьерасига оиласи билан ташриф буюрди. Тадбирдаги оиланинг суратлари ижтимоий тармоқларда пайдо бўлган, деб хабар беради «Korrespondent.net».
Маълумки, Болдуин ушбу мультипликацион лентанинг овозлаштириш жараёнида иштирок этган.
Актёрга унинг рафиқаси Хилария ва олти нафар фарзанди ҳамроҳлик қилган. Юлдузлар оиласи қора костюм ва галстукли оқ кўйлакда бўлган. Жуфтликнинг ўғилларидан икки нафари эса қуёшдан ҳимояланувчи кўзойнаклар тақиб олган.
Болаларнинг энг кичикларини ўн ойлик Эдуардо ва тўрт ойлик Люсияни Алек ва Хилария қўлига кўтариб олган.
Эслатиб ўтамиз, 2021 йилнинг мартида Алек Болдуин 62 ёшида еттинчи марта ота бўлганини унинг 37 ёшли рафиқаси Хилария Instagram саҳифасида маълум қилганди. Ўшанда янги туғилган чақалоқнинг исми ва жинси ҳақида маълумот берилмаган. Актёрнинг рафиқаси атиги олти ой олдин ўғил туғгани сабабли чақалоқни суррогат она дунёга келтиргани тахмин қилинганди.
Аввалроқ Болливуднинг энг машҳур жуфтликларидан бири Саиф Али Хон ва Карина Капур иккинчи марта ота-она бўлгани ҳақида хабар берилган эди.
Изоҳ (0)