Режиссёр Квентин Тарантино мухлисларидан бирининг оёғи уст қисмига дастхат қўйиб берди, деб ёзади Meduza.
Калифорнияда Шер Арар исмли қиз Квентин Тарантинони учратиб қолиб, ундан дастхат сўраган. Машҳур режиссёр ўз фильмларида аёлларнинг оёқлари тасвирланган кадрларни намойиш этиш билан танилган. Шу сабабли Арар оёғига дастхат қўйиб беришни сўраган. Тарантино бунга кулиб, «Ҳа, албатта, класс» — дея жавоб қайтарган ва ҳеч иккиланмасдан илтимосни бажарган.
Режиссёр ўз мухлисасининг оёғига баҳо беришни хоҳламаган, бироқ Шер Арарнинг оёғи шахсий рўйхатининг юқори ўринларидан ўрин олишини айтган. Арар эса бунга жавобан бирор гап айтишга қодир эмаслигини билдирган. У дастхат туширилган оёғи суратини абстракт картинага айлантирган ва eBay орқали сотувга қўйган.
Изоҳ (0)