“Mo‘jizakor ayol” filmi qahramoni Gal Gadot o‘zining uchinchi farzandini dunyoga keltirib, ko‘p bolali onaga aylandi. Bu haqda u o‘zining Instagram’dagi sahifasi orqali ma’lum qildi, deb xabar beradi Bazaar.
“Mening ajoyib oilam. Men juda ham minnatdorman va baxtliman (va charchadim). Daniel oilamizga kelganida juda xursandmiz”, — deb yozadi aktrisa.
https://www.instagram.com/p/CQtky9DNFXe/
E’lon qilingan suratga ko‘ra, aktrisa hozirda uyida bo‘lib, turmush o‘rtog‘i va ikki nafar qizi qurshovida yashamoqda.
Ma’lumot uchun, Gal 2008-yilda o‘zidan 10 yosh katta isroillik biznesmen Yaron Versano bilan turmush qurgan. Bir ko‘rishda bir-birini yoqtirib qolgan juftlik ikki yil uchrashib yurganidan keyin rishtalarini nikoh bilan bog‘lashga ahd qilgan.
Gal Gadot “Betmen Supermenga qarshi”, “Adolat ligasi”, “Mo‘jizakor ayol”, “Josus qo‘shnilar” filmlari, shuningdek, “Forsaj” sagasi kabi kartinalar orqali mashhurlikka erishgan. Ayni vaqtda aktrisaning Instagram’dagi obunachilari soni 56,2 milliondan ortiqni tashkil etadi.
Izoh (0)