Сэмюэл Л.Жексон кинематографга қўшган улкан ҳиссаси учун фахрий «Оскар»га сазовор бўлди

Marvel киноолами юлдузи Сэмюэл Л.Жексон фахрий «Оскар» мукофоти билан тақдирланади. Америка кинематография санъати академияси актёрга мукофотни «кинематография соҳасига қўшган улкан ҳиссаси учун» топширади, деб ёзади «Korrespondent.net».

Бундан ташқари, бу каби мукофот «Олти саҳнадаги инқироз» фильми билан машҳурликка эришган Голливуд юлдузи Элейн Мей ва «Икки ҳаёт» картинаси билан танилган норвегиялик актриса Лив Улманга топширилади.

«Яксон этувчи қурол» фильмидаги актёр ва жамоат арбоби Дэнни Гловер эса Жин Хершолт номидаги мукофотга сазовор бўлди.

«Сем Жексон — бу динамик меҳнати бутун дунё бўйлаб турли хил жанрлар, авлодлар ва томошабинлар кўнгилдан жой олган маданий тимсол», дейилади хабарда.

Таъкидланишича, фахрий мукофотларни топшириш маросими 2022 йилнинг 15 январида бўлиб ўтади.

Эслатиб ўтамиз, 2016 йилда Жеки Чан кинематографга қўшган улкан ҳиссаси учун фахрий «Оскар»га сазовор бўлганди. Олдинлари мазкур мукофот «Оскар»нинг асосий маросими чоғида топшириларди. Бироқ кейинчалик унинг аҳамиятини алоҳида таъкидлаш учун махсус кеча ташкил этиладиган бўлди. Турли йилларда фахрий «Оскар»га Фред Астер, Лоуренс Оливе, Софи Лорен, Роберт Редфорд, Кирк Дуглас, Питер ЎТул ва бошқа кўплаб юлдузлар лойиқ кўрилган.