Режиссёр Жастин Лин томонидан суратга олинган «Форсаж-9» жангари фильми АҚШдаги прокатининг уч кунида 70 миллион доллар тўплаб, рекорд ўрнатди. Бу Қўшма Штатларда пандемия бошланганидан буён қайд этилган энг омадли кинотеатрал релиз ҳисобланади, деб хабар беради «Korrespondent.net».
Штатларда лента 25 июнь куни экранларга чиққан, ҳозирча эса фильм бир вақтнинг ўзида 4179 та кинотеатрда намойиш этилмоқда.
Умуман олганда, «Форсаж-9» ҳозирга қадар қарийб 400 миллион доллар тўплашга улгурди, уларнинг 200 миллиондан ортиғи Хитой кинотеатрлари ҳисобига тўғри келади — мамлакатда фильм 21 майдан бошлаб намойиш этиляпти. Фильм ўзининг 200 миллион долларлик бюджетини тўлиқ қоплаган.
Маълумот учун, янги фильмда Доминик Торетто (Вин Дизель) ўзининг акаси, ўғри, қотил ва пойгачи бўлган Жейкобга қарши курашади. Авваллари у ҳақда ҳеч нарса дейилмаган. Унда, шунингдек, фильмнинг аввалги қисмларида ҳалок бўлгани таъкидланган Хан (Сон Кан) пайдо бўлади.
Изоҳ (0)