Олий ва ўрта махсус таълим вазирининг 2021 йил 29 июндаги буйруғи билан Мирзохид Даминов Бухоро давлат университетининг Педагогика институти директори лавозимига тайинланди. Бу ҳақда вазирлик матбуот хизмати хабар берди.
Маълумот учун, Мирзохид Даминов 1996 йилда Бухоро давлат университетини ҳамда 2014 йилда Ўзбекистон Президенти ҳузуридаги давлат бошқаруви академиясини тамомлаган. Педагогика фанлари номзоди.
Мирзохид Даминов тайинловга қадар Бухоро давлат университетининг ўқув ишлари бўйича проректори лавозимида ишлаб келаётган эди.
Аввалроқ Вазирлар Маҳкамасининг тегишли қарори билан Фарғона давлат университети ва Қўқон давлат педагогика институтига ректор тайинлангани тўғрисида хабар берилганди.
Изоҳ (0)