Ўзбекистонга 30 июнь куни яна 1 миллион доза ZF-UZ-VAC2001 вакцинаси олиб келинди, деб хабар беради Соғлиқни сақлаш вазирлиги матбуот хизмати.
Бу ушбу вакцинанинг Ўзбекистонга келтирилган 7-партияси бўлиб, худди шунча миқдорда 29 июнь куни ҳам келтирилган эди. Бундан аввал ZF-UZ-VAC2001 нинг:
- 27 мартда — 1 миллион доза,
- 27 апрелда — 1 миллион доза,
- 18 майда — 1 миллион доза,
- 19 майда — 500 минг доза,
- 10 июнда — 1 миллион доза,
- 29 июнда — 1 миллион доза партиялари келтирилган.
Маълумот учун, ZF-UZ-VAC2001 коронавирусга қарши янги рекомбинант вакцина бўлиб, Хитой Фанлар академияси Микробиология институти олимлари томонидан яратилган, Anhui Zhifei Longcom Biopharmaceutical Co.Ltd фармацевтика компанияси томонидан ишлаб чиқилган. Вакцинанинг клиник тадқиқотлари ўзбекистонлик олимлар билан ҳамкорликда олиб борилган.
Изоҳ (0)