Дунё бўйлаб 29 июнь куни олинган сара суратларни намойиш этамиз.
Евро—2020 мусобақаси доирасида Франция—Швейцария ўйинида ғолиб асосий вақтда аниқланмади (3:3). Пенальтилар сериясида Швейцария 5:4 ҳисобида ғалаба қозониб, чорак финалга йўл олди. Суратда Килиан Мбаппенинг зарбасини қайтарган дарвозабон ортидан югураётган Швейцария терма жамоаси аъзолари. Фото: Getty Images
Непалдаги шоли экиш мавсуми бошланиши муносабати билан ўтказилган Асар Панда байрамида қатнашаётган юзига лой чапланган бола. Фото: Reuters
«Толибон»га қарши бўлган қуролланган одамлар Афғонистоннинг Парвон вилояти, Ғўрбанд туманидаги назорат пунктини қўриқламоқда. Фото: Reuters
Майомбе исмли горилла янги туғилган чақалоғини ушлаб турибди. Майомбе ва Жонго асли тутқунликда туғилиб, сўнг ёввойи табиатда фарзандли бўлган тарихдаги илк гориллалар бўлди. Фото: PA
Пекиндаги Миллий стадионда Хитой Коммунистик партиясининг 100 йиллигига бағишланган шоу пайтида Қизил байроқ атрофига йиғилган қатнашчилар. Фото: Reuters
Янги ташкил этилган Эвиатар ҳудудига кўчиб ўтган исроилликлар Ғарбий Соҳилнинг Наблус шаҳри яқинидаги Бейта қишлоғидан фаластинликларнинг уларга қарши йўналтираётган лазер нурларини томоша қилмоқда. Фото: Getty Images
Токионинг Тоёсу шаҳридаги TeamLab Planets боғи ходими «Сузувчи гуллар» номли интерактив кинетик инсталляция ёнида турибди. Фото: AFP
Штутгартда бўлиб ўтган кучли шамолдан кейин шаҳар опера театри томи катта зарар кўрди. Фото: AP Photo
Динозаврлар кийимидаги ўқитувчилар Бангкок мактабида бошланғич синф ўқувчилари учун онлайн дарс суратга олмоқда. Фото: EPA
Барселонада Халқаро мобил конгресси бошланди. Унда турли янги технологиялар намойиш этилади. Фото: EPA
Ватиканда Рим Папаси Франциск раҳбарлигида авлиё Бутрус ва Пол кунига бағишланган месса бўлиб ўтди. Фото: Getty Images
Лондондаги Уимблдон теннис мусобақасининг томошабини ўйинни суратга олмоқда. Фото: EPA
Бўш турган соҳил бўйлаб юрган бола. Коронавирус ҳолатлари кўпайгани сабабли Бали оролининг чет эллик сайёҳларни қабул қилиши кейинга қолдирилди. Фото: EPA
Суриянинг Идлиб шаҳридаги вайрон бўлган бино яқинида фонар билан турган одам. Фото: Getty Images
1 июлдан бошлаб Туркияда карантин чекловларининг бир қисми бекор қилиниши эълон қилинди. Фото: EPA
Токиодаги TeamLab Planets майдончасида Garden Area номли интерактив инсталляция очилди. Фото: EPA
Сиднейда икки ҳафталик локдаун эълон қилингандан сўнг шаҳар кўчаларининг кўриниши. Фото: EPA
Кирби уй-жой массивида Англия ва Фаластин байроғи билан безатилган балконлар олдида тўп ўйнаётган бола. Англия 29 июнь куни «Уэмбли» стадионида Евро—2020 мусобақасининг нимчорак финал ўйинида Германия билан тўқнашиб, 2:0 ҳисобида ғалаба қозонди. Фото: AP Photo
Колумбияда ҳукуматга қарши намойиш пайтида Христофор Колумб ҳайкалини ағдараётган одамлар. Фото: AFP
Вашингтонда Демократик партия вакили Александрия Окасио-Кортез Оқ уй олдида «Иқлим йўқ бўлса, битим ҳам йўқ» намойишида қатнашмоқда. Фото: Reuters
Греция полицияси 2012 йилда Афинадаги Миллий галереядан ўғирланган Пикассо ва Мондрианнинг расмларини топди. Фото: EPA
Аввалги кунларнинг фотогалереялари:
Қайта тикланаётган «Шаҳидлар хотираси», Истанбулдаги ёнғин, сув босган Москва. 28 июнь суратлари Ҳиротда қуролларини топширган «Толибон», қайта аланга олаётган Исроил—Фаластин можароси, суд қилинаётган хонанда. 24 июнь суратлари Москва рекордини янгилаган жазирама, полиция итининг дафн маросими, Ўргимчак одамдан совға олган Рим Папаси. 23 июнь суратлари Машҳур сериалга ўрнатилган ёдгорлик, эмланишни хоҳламаганларга қилинган таҳдид, ҳарбийга айланган амалдорлар. 22 июнь суратлари Дунё бўйлаб нишонланган ёга куни, уйини байроқлар билан буркаган футбол ишқибози, президентнинг илк матбуот анжумани. 21 июнь суратлари Андижонда «пиёдага айланган» Damas, сув остида қолган Қрим, Хитой байроғи остида ётган масжид минораси бўлаги. 18 июнь суратлари Чирчиқ дарёси соҳилидаги Президент Мирзиёев, «Толибон»га қарши бош кўтарган афғон халқи, осмонда йўқолиб қолган 9000 кабутар. Ҳафта суратлари
Изоҳ (0)