Ижтимоий тармоқларда Нукус шаҳрининг «Истиқлол» боғида жойлашган хусусий ҳайвонот боғида айиқ сувсиз қолиб кетгани айтилган видео тарқалди. «Ekolog.uz» Telegram каналининг ёзишича, ушбу ҳайвонот боғидаги ҳайвонлар аҳволи ўта абгор, мурожаатчиларининг талабидан сўнг айиққа сув берилган.
«Бир томоша қилинг-а, айиқни таҳқирлаб, боғ хизматчиси лойқа сувни унга сепаяпти. Айиқ овлаганларни қораладик, аммо жониворларни бу аҳволга солиб, уларни секин ва даҳшатли ўлимга маҳкум қилаётганлар нега жазосиз қолмоқда?
Хусусий ҳайвонот боғи керакми? Унга томошага бораётган болалар жониворларга шундай муносабатда бўлиш керак экан деб улғаймайдими? Зудлик билан хусусий ҳайвонот боғларини ёпиш керак! Қорақалпоғистон Экология қўмитасидан муносабат кутиб қоламиз», — дейилади хабарда.
Изоҳ (0)