Тошкентда қидирилаётган Умар ибн Розияллоҳу Усмон ўғли топилди

16 июнь куни Тошкентда бедарак йўқолган Умар ибн Розияллоҳу Усмон ўғли қидирилаётгани тўғрисида хабар берилганди. Тошкент шаҳар ИИББ ахборот хизматининг маълум қилишича, қидирувда бўлган 13 ёшли фуқаро топилган.

Умар ибн Розияллоҳу Усмон ўғли 3 июнь куни соат тахминан 21:30 ларда Чилонзор тумани 19-мавзеда жойлашган яшаш жойидан чиқиб, номаълум томонга ҳаракатланиб кетиб, қайтиб келмаган.

Идора ахборот хизматининг маълум қилишича, унинг ҳолати яхши, хавотирга ўрин йўқ.

«Унинг қидирувида қатнашган барчага миннатдорчилик билдирамиз», — дейилади хабарда.

Эслатиб ўтамиз, 2020 йилнинг декабрида Тошкентда бедарак йўқолган 13 ёшли қиз бир ойдан кейин дугонасининг уйидан топилганди.