16-iyun kuni Toshkentda bedarak yo‘qolgan Umar ibn Roziyallohu Usmon o‘g‘li qidirilayotgani to‘g‘risida xabar berilgandi. Toshkent shahar IIBB axborot xizmatining ma’lum qilishicha, qidiruvda bo‘lgan 13 yoshli fuqaro topilgan.
Umar ibn Roziyallohu Usmon o‘g‘li 3-iyun kuni soat taxminan 21:30 larda Chilonzor tumani 19-mavzeda joylashgan yashash joyidan chiqib, noma’lum tomonga harakatlanib ketib, qaytib kelmagan.
Idora axborot xizmatining ma’lum qilishicha, uning holati yaxshi, xavotirga o‘rin yo‘q.
“Uning qidiruvida qatnashgan barchaga minnatdorchilik bildiramiz”, — deyiladi xabarda.
Eslatib o‘tamiz, 2020-yilning dekabrida Toshkentda bedarak yo‘qolgan 13 yoshli qiz bir oydan keyin dugonasining uyidan topilgandi.
Izoh (0)