Бен Аффлекнинг собиқ рафиқаси ва машҳур актриса Женнифер Гарнер Instagram қироличаси бўлишда давом этмоқда. Бироқ эндиликда унинг қироли ҳам пайдо бўлди — бу унинг Гус лақабли мушуги, деб хабар беради «Film.ru».
Гап шундаки, Гарнер профилидаги реклама кампанияларидан бирига «ишонган» ва шундан сўнг «Юрагимни ким ўғирлади?» ёзуви туширилган худисини реклама қилишга қарор қилган. Бунинг учун у Гусни худининг қорин қисмидаги улкан чўнтакка солиб, фақат бошини чиқариб қўйган.
https://www.instagram.com/p/CQRTd3kDTfq/
Мушук очиқ-ойдин бунга қаршилик кўрсатган ва рекламада иштирок этишни хоҳламаган, охир-оқибат у жангда мағлуб бўлган.
«Instagram-реклама: 1 балл; Гус: 0 балл», — деб ёзади Женнифер.
Бундан ўн ҳафта олдин — уй ҳайвонлари кунида ҳам Гус Гарнер аккаунтининг юлдузига айланган эди.
https://www.instagram.com/p/CNifb2pjaQu/
Аввалроқ Женнифер Гарнер Netflix’нинг янги таналари алмашиб қолган қаҳрамонлар ҳақидаги комедиясида суратга тушиши маълум бўлганди. Сюжет марказидан эрталаб уйғониб, бир-бирининг танасига ўтиб қолган эр-хотинлар ўрин олган. Нафақат ўзлари, балки дунёнинг нариги бурчагидаги оила билан ҳам худди шундай ҳолат содир бўлганидан хабар топган жуфтлик муаммони ечиш учун сафарга отланади.
Изоҳ (0)