Rejissor Jastin Lin tomonidan suratga olingan “Forsaj-9” jangari filmi AQShdagi prokatining uch kunida 70 million dollar to‘plab, rekord o‘rnatdi. Bu Qo‘shma Shtatlarda pandemiya boshlanganidan buyon qayd etilgan eng omadli kinoteatral reliz hisoblanadi, deb xabar beradi “Korrespondent.net”.
Shtatlarda lenta 25-iyun kuni ekranlarga chiqqan, hozircha esa film bir vaqtning o‘zida 4179 ta kinoteatrda namoyish etilmoqda.
Umuman olganda, “Forsaj-9” hozirga qadar qariyb 400 million dollar to‘plashga ulgurdi, ularning 200 milliondan ortig‘i Xitoy kinoteatrlari hisobiga to‘g‘ri keladi — mamlakatda film 21-maydan boshlab namoyish etilyapti. Film o‘zining 200 million dollarlik budjetini to‘liq qoplagan.
Ma’lumot uchun, yangi filmda Dominik Toretto (Vin Dizel) o‘zining akasi, o‘g‘ri, qotil va poygachi bo‘lgan Jeykobga qarshi kurashadi. Avvallari u haqda hech narsa deyilmagan. Unda, shuningdek, filmning avvalgi qismlarida halok bo‘lgani ta’kidlangan Xan (Son Kan) paydo bo‘ladi.
Izoh (0)