Ҳиндистонда ўтган кун давомида коронавирус юқтирганлар сони 42 640 кишига кўпайди ва жами касалланганлар 29 977 861 кишини ташкил қилди. Шунингдек, инфекция қурбонлари сони ҳам 24 соат ичида 1167 кишига ортиб, 389 302 нафарга етди. Бу ҳақда 22 июнь куни Ҳиндистон Соғлиқни сақлаш ва оилани ҳимоя қилиш вазирлиги маълум қилди, деб ёзади «ТАСС».
Мамлакатда суткалик касалланиш сони 90 кундан кўпроқ вақт ичида биринчи марта энг паст кўрсаткичга тушди. Охирги марта 23 март куни 40 715 кишида коронавирус қайд этилган. 5 апрелдан 8 июнга қадар кунлик янги юқтиришлар сони 100 мингдан юқори бўлди, ҳатто, май ойида бу кўрсаткич 400 мингдан ошиб кетди. Хусусан, 7 май куни 414 188 кишида коронавирус аниқланиб, антирекорд ўрнатилди.
Шу билан бирга, ўтган суткада Ҳиндистонда 8 616 миллион киши коронавирусга қарши эмланди — бу кунлик эмланиш бўйича дунёдаги рекорд рақам. Мамлакатда шу кунгача ҳаммаси бўлиб 288 766 201 доза вакцина қўлланилган. Ҳиндистонда вакцинация бўйича рекорд ҳукуматнинг 21 июндан 18 ёшдан катталарнинг барчасини бепул эмлашни бошлаш тўғрисидаги қароридан кейин ўрнатилди.
Аввалроқ Ҳиндистонда коронавируснинг янги мутацияси аниқлангани хабар қилинганди. Ҳиндистон Соғлиқни сақлаш вазирлигининг таъкидлашича, янги штамм тадқиқотчиларда қизиқиш уйғотмоқда ва ҳанузгача хавотирли мутациялар тоифасига киритилмаган.
Изоҳ (0)