Бугун,

  • USD 11095.31
  • RUB 173.84
  • EUR 10772.44

Июль ўрталарида Австралиянинг Виктория штатида ўтлар, дарахтлар, йўл бўйлари ва йўл белгиларини қоплаган бир неча километрлаб ўргимчак тўрлари пайдо бўлди. Meduza’нинг ёзишича, ўргимчаклар шу орқали сув тошқинларидан ўзларини эвакуация қилмоқда.

https://www.facebook.com/carolyn.crossley/videos/10222642072952700

Маълумотларга кўра, ўргимчак тўрлари билан бутун Виктория штати, жумладан, кўл ва ботқоқлар ҳам қопланган. Айрим жойларда ўргимчак тўрининг узунлиги бир километрдан ошади. «Ақл бовар қилиб бўлмайди. Улар йўл белгилари ва атрофдаги барча нарсани қоплаганида қўрқинчли кўриниш олади. Суратларда бу кўринмайди, аммо ҳамма жойни ўргимчак босган. Минг-минглаб ўргимчаклар», — дейди Сейл шаҳрида истиқомат қилувчи Жена Бицон исмли аёл.

https://www.facebook.com/106009390867239/videos/293814572469688

https://www.instagram.com/p/CQIjqJVMURw/

https://www.instagram.com/p/CQIuOhPBzMx/

Мелбурн музейининг энтомология бўйича катта куратори доктор Кен Рокеннинг ҳисоблашича, аслида ўргимчак тўрларини миллионлаб ўргимчаклар тўқиган. Унинг сўзларига кўра, бу каби ҳолат Австралияда ёғингарчиликлардан сўнг тез-тез учраб туради. Маҳаллий кенгаш аъзоси Керолин Кросслининг айтишича, у олдин ҳам бунақа нарсаларни кўрган, бироқ бу каби кенг кўламда эмас. «Бу қўрқинчли эмас, балки ажойиб. Барча нарса ушбу чиройли ўргимчак тўри билан қопланган эди — дарахтлар ва буталар ҳам», — дейди у.

Фото: Facebook / @CarolynCrossley

Фото: Facebook / @CarolynCrossley

Ўргимчаклар ипак толаларни турли мақсадлар, жумладан, «ҳаво орқали сузиш» учун ҳам ажратади. Доктор Кен Рокеннинг айтишича, улар бу каби иплар ёрдамида шамолда ҳавога кўтарилади ва 100 километр узоқликка кўча олади.

Мазкур ҳолатда эса ўргимчаклар қочиш ниятига бўлмаган, балки ёнғингарчилик оқибатида юзага келган сув тошқинларидан ҳимоя қилган.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди