Америкалик аёлнинг ўн ойлик ўғли Tesla автомобилининг янги функциялари учун 10 837 доллар «сарфлаб юборди». Содир бўлган воқеани сўзлаб берган онанинг видеоси TikTok’да тарқалган, деб хабар беради «Korrespondent.net».
Аёлнинг сўзларига кўра, у ошхонада овқат пишираётган вақтда болакай унинг iPad’ини ўйнаётган бўлган ва ўзи билмаган ҳолда қиммат турувчи харидни расмийлаштириб юборган.
Она амалга оширилган харид ҳақида банк чекини текширгач, хабар топган. Шу билан бирга, харид қилинган «маҳсулот»ни қайтаришнинг имкони бўлмаган, чунки орадан 48 соатдан ортиқ вақт ўтиб кетган.
Видео остидаги изоҳлардан кўриш мумкинки, ҳамма ҳам аёлнинг сўзларига ишонмаган. Кўплаб фойдаланувчилар болакай бу каби қиммат харидни амалга оширганига ишонмаган, чунки банк шунча пул ечилишида қўшимча жараёнларни тасдиқлашни ҳам сўрайди.
Эслатиб ўтамиз, июнь ўрталарида германиялик эркак тасодифан 27 та Tesla Model 3 электромобилига буюртма бериб юборган эди.
Изоҳ (0)