Япониянинг Goku no Kimochi The Labo тажриба лабораториясида мамлакатнинг машҳур дўконлар тармоғида пишириладиган «қовун нони»дан ниқоб яратди. Ижтимоий тармоқларда бу каби ниқобларни тақиб юрган фуқароларнинг видеоси тарқалиб улгурган, деб хабар беради «Korrespondent.net».
Ниқоб нон кўринишига эга. У юзга оддий ниқоб каби ип билан тақилади. Ниқоб Unitika Garmentec тадқиқот институтида «IC3» сифатида муваффақиятли синовдан ўтказилган.
Тест натижаларининг кўрсатишича, нонли ниқоб оддий ниқоблардан кўра инфекциядан яхшироқ ҳимояланиш даражасини тақдим этади. Шу сабабли экспертларнинг таъкидлашича, ниқобдан ҳимояланиш мақсадида фойдаланиш мумкин.
Шу билан бирга, копмания яқин кунларда «нонхўр инсоннинг орзуларини рўёбга чиқариш мақсадида дунёдаги энг бахтли ниқоб»ни чиқаришни режалаштирмоқда. «Ширин» ҳимоя воситаси 10 июндан сотувга чиққан.
Таъкидланишича, бу турдаги ниқоблар интернет дўконлари орқали беш донали қадоқда 16,44 доллардан сотилмоқда.
Аввалроқ Францияда коронавирусни йўқ қилувчи ниқоб яратилгани, Японияда нутқни таржима қилиш функциясига эга ниқоб тақдим этилгани тўғрисида хабар берилганди.
Мавзуга доир: LG ҳаво тозалагичли махсус ниқоб яратди
Изоҳ (0)