Таиландлик эркак бир йилда 80 килога озди ва бундай натижага қандай эришгани ҳақида сўзлаб берди

Бир йил ичида вазнининг тенг ярмини ташлашга муваффақ бўлган эркак қандай қилиб озгани ҳақида бўлишди.

Таиландлик Нес Четрагулл болалигидан ортиқча вазн билан курашганига қарамай, семиришдан тўхтамаган. Энг семиз вақти 156 кило бўлган Четрагулл уйқуси билан муаммолар бўлгани, юрганида йиқилиб тушганидан кейин 2019 йил августда саломатлиги билан жиддий шуғулланишга қарор қилган.

У озишга осонлик билан эришмаган, зарарли овқатлар — ёғли ва ширинликлардан тийилишига тўғри келмаган. Эрталабдан 150 грамм буғда тайёрланган гуруч, тушликка райҳон барги билан 300 грамм товуқ филеси истеъмол қилган. Шу билан бирга, спорт билан шуғулланган ва кунига икки соат давомида пиёда юрган. 2020 йил июлда парҳез ва машқлар сабаб 80 кило ташлашга муваффақ бўлган. 2021 йил июнда Четрагулл ижтимоий тармоқларда ўз ҳикояси билан бўлишиб, эски жинсида тушган фотосини жойлаган.

Аввалроқ британиялик аёл 45 килога озгани ҳамда ҳаётидаги энг катта орзусини амалга оширгани ҳақида хабар берилганди.