Бугун,

  • USD 11095.31
  • RUB 173.84
  • EUR 10772.44

Ҳозирги кунда Андижондаги маҳаллаларнинг аксарияти ўзининг «ўсиш нуқта»ларини аниқлаб олган бўлишига қарамай, 100 та маҳалла ҳалигача ўз ихтисослашув йўлини топмаган. Бу ҳақда айни пайтда Президент Шавкат Мирзиёев раислигида вилоят фаоллари билан ўтказилаётган йиғилишда давлат раҳбари сўз юритди, дея хабар бермоқда «Дарё» мухбири.

Фото: «Дарё» / Мадина Нурман

Фото: «Дарё» / Мадина Нурман

«Мен бугун вилоят аҳолисининг ҳалол меҳнатлари билан яқиндан танишиш, сизлар билан вилоятнинг бугунги ва эртанги тараққиёти ҳақида фикрлашиб, биргаликда улкан режалар тузиш учун келдим. Айниқса, вилоят ривожига кучли туртки берадиган янги ‘ўсиш нуқта’ларини шакллантириш ва тўлиқ ишга солиш, аҳоли ҳаётини яхшилаш бўйича асосий йўналиш ва вазифаларни белгилаб олсак, айни муддао бўлади», — дейди давлат раҳбари.

Президент «маҳаллабай» ва «хонадонбай» ишлаш асосида оилавий тадбиркорликни ривожлантириш бўйича Андижон намунасини яратиб, шу орқали вилоятни ишсизлик ва камбағалликдан холи ҳудудга айлантириш зарурлигини қайд этган.

«Бу борада вилоятга юборилган ишчи гуруҳ томонидан жами 882 та маҳалладаги муаммолар ва имкониятлар ўрганилди. Бунда, ҳар бир маҳаллада аҳолининг азалдан шаклланган меҳнат кўникмасидан келиб чиқиб, энг самарали ‘ўсиш нуқта’лари сифатида – ҳунармандчилик, томорқа ва иссиқхона хўжалиги, боғдорчилик, гулчилик, паррандачилик каби йўналишлар белгилаб олинди. Масалан, Шаҳрихон тумани, ‘Юзлар’ маҳалласида 847 та хонадондан 721 тасида 1 сотихдан 30 сотихгача иссиқхоналар мавжуд. Избоскан тумани, ‘Гудур’ маҳалласидаги 601 та хонадондан 265 таси сават ясаш билан шуғулланади.

Ҳар бир туман (шаҳар)га бириктирилган вазирлик ва хўжалик бирлашмалари, банклар ҳамда сектор раҳбарлари ‘маҳаллабай’ ишлаш асосида, аҳоли муаммоларини ҳал этиш ва тадбиркорликни ривожлантириш учун шахсан масъул бўладилар. Бу ишлардан кўзланган пировард мақсад – аҳоли бандлиги ва даромадини ошириб, вилоятда камбағалликни йўқотишга эришишдир.

Ҳозирги кунда вилоятдаги маҳаллаларнинг аксарияти ўзининг ‘ўсиш нуқта’ларини аниқлаб олган бўлишига қарамай, 100 та маҳалла ҳалигача ўз ихтисослашув йўлини топмаган. Шу боис, 200 та маҳаллани ривожлантиришга вилоят ҳокимлиги ва иқтисодий комплекс масъул бўлади», — дейди давлат раҳбари.

Аввалроқ Шавкат Мирзиёев Андижонга ташрифини Избоскандаги тўқимачилик корхонасини бориб кўргани, Андижонда металл конструкциялар корхонаси ташкил этишга кўрсатма бергани ҳамда Избоскан туманидаги «Рустамжон Замин ривожи» фермер хўжалиги даласида ғалла ҳосилини кўргани ҳақида хабар берилганди.

Изоҳ
Асосий янгиликлар
Маҳаллий
Шавкат Мирзиёев ва Владимир Путин савдо-иқтисодий ҳамкорлик масаласини муҳокама қилди
Маҳаллий
Тошкентда ИИБ ходими хизмат вазифасини бажараётган вақтида ўлдириб кетилди
Маданият
Бир-бирига мутлақо қарама-қарши ролларни ўйнаб, томошабинларни ишонтира олган актёр ва актрисалар (фото)