Astana Motors компанияси 2021 йилда Ўзбекистонда 7 минг дона Hyundai автомобилларини сотишни режалаштирмоқда. Бу ҳақда Forbes Kazakhstan’га таяниб, Spot хабар берди.
Ҳозирда Astana Motors’нинг мамлакатда тўққизта дилери бор — тўрттаси хусусий ва бештаси мустақил. Компания Тошкент, Бухоро, Самарқанд, Наманган ва Фарғонада иш олиб бормоқда.
Маълумот учун, 2019 йилда Astana Motors Ўзбекистонда 244 та, 2020 йилда эса 3,5 мингта автомобиль сотган. Аввалроқ Astana Motors раҳбари Нурлан Смагулов Ўзбекистон автомобиль бозорини баҳолаган эди. «Бу жуда қизиқ бозор, биз у ерда ўзимизни қулай ҳис қиламиз. У ернинг ўз қонунлари ва ўз ишлаб чиқарувчиларининг ҳимояси бор. Маҳаллий ишлаб чиқарувчилар билан интеграция масалаларини муҳокама қиляпмиз», — деган Смагулов.
Astana Motors, шунингдек, маҳаллий ишлаб чиқарувчилар билан ҳамкорлик имкониятини кўриб чиқаётганини маълум қилган.
Изоҳ (0)