«Ўзбекистон Республикаси маданият ва санъат ходимлари кунини белгилаш тўғрисида»ги қонун 7 июнь куни Президент томонидан имзоланди. Бу ҳақда Telegram’даги «Ҳуқуқий ахборот» канали хабар берди.
Қонунга кўра, 15 апрель Маданият ва санъат ходимлари куни этиб белгиланди.
Эслатиб ўтамиз, Шавкат Мирзиёев 2020 йил 26 май куни маданият ва санъат соҳасининг жамият ҳаётидаги ўрни ва таъсирини янада ошириш бўйича фармонни имзолаганди. Фармонда Президент 15 апрелни «Ўзбекистон Республикаси маданият ва санъат ходимлари куни» деб эълон қилиш таклифини маъқуллаган.
Айна пайтда дунёнинг кўплаб давлатларида ушбу сана Халқаро маданият куни сифатида нишонланади. Хусусан, 2008 йилдан Италия, Испания, Россия, Аргентина, Мексика, Куба, Латвия ва Литва каби давлатларда 15 апрель — Халқаро маданият куни Тинчлик байроғи остида нишонланади.
Ўзбекистон маданият вазири Озодбек Назарбеков шу кунга қадар Ўзбекистонда барча соҳа вакиллари учун касб байрами кунлари белгилангани, аммо халқаро миқёсда 15 апрель — Маданият ва санъат ходимлари куни сифатида нишонланса-да, Ўзбекистонда расман қайд этилмаганини айтганди.
Қонун расмий эълон қилинган кундан эътиборан кучга киради.
Изоҳ (0)