Эверест чўққисига кўтарилган ўзбекистонлик алпинист Сергей Денисенко 8 июнь куни Тошкент халқаро аэропортида тантанали равишда кутиб олинди. Президент матбуот хизматининг маълум қилишича, Шавкат Мирзиёевнинг тегишли фармони билан Сергей Денисенко «Ўзбекистон ифтихори» фахрий унвони билан тақдирланган.
Эълон қилинган кадрлардан кўриш мумкинки спортчига мукофотни Ўзбекистон Президентининг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси Абдужаббор Абдувоҳидов топширган.
Шунингдек, ўзбекистонлик алпинистга Trailblazer автомобили ҳам совға қилинган.
Эслатиб ўтамиз, ўзбекистонлик алпинист Сергей Денисенко 1 июнь куни Эверест (Жомолунгма) чўққисига кўтарилганди. Қайд этилишича, бу Непал томонидан ўзбекистонлик алпинистнинг биринчи марта Эверест чўққисига чиқиши. Эверестга кўтарилишнинг ушбу мавсуми аномал ва нобарқарор об-ҳаво шароитига тўғри келган. Экспедиция тахминан 2 ой давом этган. Чўққига чиқиш Ўзбекистон мустақиллигининг 30 йиллигига бағишланган.
Мавзуга доир: Фото: Эверест чўққисидаги Ўзбекистон байроғи ва Шавкат Мирзиёев сурати
Изоҳ (0)