Ўзбекистонда ўтган бир сутка ичида яна 21 мингдан ортиқ киши коронавирусга қарши эмланди
Ўзбекистонда 7 июнь куни жами 47 460 киши COVID-19’га қарши эмланди, деб хабар берди Соғлиқни сақлаш вазирлиги матбуот хизмати. Шулардан 21 031 нафари биринчи босқичда, 21 961 нафар фуқаро иккинчи босқичда ҳамда 4468 нафар фуқаро эса учинчи босқичда эмланган.
Фото: ССВ матбуот хизмати
Ҳозирги кунгача Ўзбекистонда коронавирусга қарши 2 383 457 доза вакцинадан фойдаланилди, уларнинг 13 210 дозаси учинчи ва 882 078 дозаси иккинчи босқичда қўлланилган. Шунга кўра, мамлакатда жами эмланганлар сони 1 488 169 кишини ташкил этмоқда.
7 июнь кунидаги эмлаш кўрсаткичлари бўйича юқори ўринларни
Андижон вилояти (7382 доза),
Қашқадарё вилояти (5134 доза),
Наманган вилояти (4961 доза) банд қилди.
Коронавирусга қарши эмланган жами аҳоли сони
Фарғона вилоятида 291 375 доза,
Наманган вилоятида 280 173 доза,
Андижон вилоятида 276 378 доза,
Самарқанд вилоятида 223 093 дозани ташкил қилмоқда.
Эслатиб ўтамиз, аҳолини коронавирусга қарши эмлаш тадбирлари 1 апрелдан бошланди. 23 майдан ўзбек—хитой вакцинаси билан эмланганларга 3-дозани қўллаш бошланди.
Бундан аввал мактабгача таълим вазири коронавирусга қарши эмлангани, Зафар Ҳошимов коронавирусга қарши эмланди ва бошқаларга ҳам буни тавсия қилгани ҳамда Ўзбекистонга яна 70 минг доза «Спутник V» вакцинаси олиб келингани ҳақида хабар берилганди.
Изоҳ (0)