Amazon раҳбари Жефф Безос 20 июль куни Blue Origin компаниясининг космик кемасида укаси Марк Безос билан суборбитал парвозни амалга оширади. Бу ҳақда Безос ўз Instagram’ида эълон қилди, деб ёзади «Коммерсантъ».
«Беш ёшимдан космосга учишни орзу қилардим. 20 июль куни мен ушбу саёҳатни укам билан бирга амалга ошираман», — деб ёзган Amazon раҳбари.
https://www.instagram.com/p/CP0MSOqnYEo/?utm_source=ig_embed&ig_rid=e55bd59c-8b31-42c7-b444-367efd2aa042
Парвоз New Shepard космик кемасида амалга оширилади. Безосга тегишли Blue Origin компанияси 2018 йилда космик сайёҳлар учун йўловчи капсуласининг ички қисми прототипини намойиш қилган. Кабина олти кишига мўлжалланган бўлиб, ўриндиқлар парвоз параметрларини кузатиш учун монитор ва тўртта иллюминатор билан жиҳозланган.
Май ойи бошида Жефф Безос космик кема учун чипталар сотуви бошланганини эълон қилганди. Blue Origin компанияси 20 июнь куни амалга ошириладиган парвоз учун битта чиптани онлайн аукционга қўйишини маълум қилди. Парвоз вақтида аукцион ғолиби ва бошқа космик сайёҳлар New Shepard кемасида Ердан 100 километр баландликка кўтарилади. Reuters’нинг ёзишича, парвоз иштирокчилари бир неча дақиқа давомида вазнсизлик ҳолатини ҳис қилади ва сайёрамизнинг эгрилигини томоша қилади.
Изоҳ (0)