«Реал» футболчилари Иско, Марсело ва Гарет Бэйл ёзда жамоани тарк этиши мумкин. Бу ҳақда Marca хабар бермоқда.
Қайд этилишича, Мадрид клуби ушбу футболчиларни бошқа жамоаларга сотиб юбормоқчи. Карло Анчелоттининг бош мураббий этиб тайинланиши ҳам уларнинг жамоадаги ҳолатига таъсир кўрсата олмаслиги айтилмоқда.
Агар учала футболчи жамоадан кетадиган бўлса, клуб уларга тўланаётган маошдан 50 миллион еврогача маблағ тежаб қолиши мумкин. Таъкидлаш жоиз, футболчилар ортда қолган 2020/21 йилги мавсумда кам ўйин амалиётига эга бўлди.
Шунингдек, жамоа сардори Серхио Рамос билан ўтказилаётган музокаралар ҳам боши берк кўчага кириб қолган. У ҳам катта эҳтимол билан ёзда жамоадан кетади.
Маълумот учун, Иско, Марсело ва Бэйлнинг «Реал» билан шартномалари 2022 йилда ўз ниҳоясига етади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)