«Ювентус» ҳужумчиси Криштиану Роналду фаолиятини Франция чемпионатида давом эттириши мумкин.
АС хабарига кўра «ПСЖ» 36 ёшли ҳужумчининг вакиллари билан музокараларни бошлаган. Турин клуби раҳбарияти ҳам португалияликнинг трансферини муҳокама қилишга тайёр. Боиси жамоанинг янги бош мураббийи Массимилиано Аллегри Роналдуни ўз режаларига киритмаяпти.
«ПСЖ» учун Криштиану билан шартнома имзоланиши ҳам спорт, ҳам медиа нуқтаи назаридан манфаатли бўлади. Клуб бу орқали жамоани тарк этиши мумкин бўлган Килиан Мбаппенинг ўрнини тўлдириши мумкин.
Бундан ташқари, Роналду «ПСЖ»нинг техник ҳомийси бўлган Nike компанияси билан ҳам ҳамкорлик қилади. Трансфер ҳар учала томонга ҳам фойда келтиради.
«Ювентус» Роналду учун 25-30 миллион евро сўрамоқда. Аммо парижлик трансферга ҳужумчи Мауро Икардини ҳам киритиши мумкин.
Роналду А Сериянинг ортда қолган мавсумида 33 ўйинда майдонга тушиб, 29 та гол урди ва лиганинг энг яхши тўпурарига айланди. Унинг туринликлар билан амалдаги шартномаси 2022 йилнинг ёзида ўз ниҳоясига етади.
Мавзуга доир: Жозе Моуриньо Криштиану Роналдуни «Рома»га таклиф қилди
Изоҳ (0)