“Yuventus” hujumchisi Krishtianu Ronaldu faoliyatini Fransiya chempionatida davom ettirishi mumkin.
AS xabariga ko‘ra “PSJ” 36 yoshli hujumchining vakillari bilan muzokaralarni boshlagan. Turin klubi rahbariyati ham portugaliyalikning transferini muhokama qilishga tayyor. Boisi jamoaning yangi bosh murabbiyi Massimiliano Allegri Ronalduni o‘z rejalariga kiritmayapti.
“PSJ” uchun Krishtianu bilan shartnoma imzolanishi ham sport, ham media nuqtayi nazaridan manfaatli bo‘ladi. Klub bu orqali jamoani tark etishi mumkin bo‘lgan Kilian Mbappening o‘rnini to‘ldirishi mumkin.
Bundan tashqari, Ronaldu “PSJ”ning texnik homiysi bo‘lgan Nike kompaniyasi bilan ham hamkorlik qiladi. Transfer har uchala tomonga ham foyda keltiradi.
“Yuventus” Ronaldu uchun 25-30 million yevro so‘ramoqda. Ammo parijlik transferga hujumchi Mauro Ikardini ham kiritishi mumkin.
Ronaldu A Seriyaning ortda qolgan mavsumida 33 o‘yinda maydonga tushib, 29 ta gol urdi va liganing eng yaxshi to‘purariga aylandi. Uning turinliklar bilan amaldagi shartnomasi 2022-yilning yozida o‘z nihoyasiga yetadi.
Mavzuga doir: Joze Mourinyo Krishtianu Ronalduni “Roma”ga taklif qildi
Izoh (0)